https://sputnik-georgia.com/20220613/chrdiloet-makedonia-unda-davamarcxot-kvaracxelia-267393534.html
„ჩრდილოეთ მაკედონია აუცილებლად უნდა დავამარცხოთ" - კვარაცხელია
„ჩრდილოეთ მაკედონია აუცილებლად უნდა დავამარცხოთ" - კვარაცხელია
Sputnik საქართველო
საქართველოს ნაკრები შემოდგომაზე ორ გადამწყვეტ მატჩს გამართავს. 13.06.2022-ს, Sputnik საქართველო
2022-06-13T13:50+0400
2022-06-13T13:50+0400
2022-06-13T18:36+0400
საქართველო
სპორტი
საზოგადოება
ახალი ამბები
https://cdnn1.img.sputnik-georgia.com/img/07e5/03/1c/251299673_0:133:2556:1571_1920x0_80_0_0_4025ce8e105b69cc4675e61cf8880eff.jpg
თბილისი, 13 ივნისი – Sputnik. საქართველოს ნაკრების ფეხბურთელები სექტემბრის მოლოდინში არიან, რათა ჩრდილოეთ მაკედონიის გუნდი საკუთარ მოედანზე, „დინამო არენაზე“ დაამარცხონ, განაცხადა საქართველოს ნაკრების ნახევარმცველმა ხვიჩა კვარაცხელიამ ბულგარეთთან გამართული მატჩის შემდეგ.12 ივნისს საქართველოს ნაკრებმა ბულგარეთის ნაკრების დამარცხება ვერ შეძლო. უეფას ერთა ლიგის მეოთხე ტურის მატჩი ანგარიშით 0:0 დასრულდა. მიუხედავად ამისა, საქართველოს ნაკრები 10 ქულით C4 ჯგუფში დამაჯერებლად ლიდერობს. მაკედონელები შვიდი ქულით ჯგუფში მეორე ადგილზე არიან.„არა უშავს, ველოდებით სექტემბერს და ჩრდილოეთ მაკედონიას სახლშიც აუცილებლად უნდა მოვუგოთ“, – განაცხადა ხვიჩა კვარაცხელიამ.ფეხბურთელმა ქომაგობისთვის მადლობა გადაუხადა ქართველ გულშემატკივრებს, რომლებმაც გუშინ „დინამო არენა“ მთლიანად შეავსეს.„მადლობა ქართველ გულშემატკივარს, ვინც მოვიდა და მხარი დაგვიჭრა – ამდენი ხალხი ძალიან მაგარი ატმოსფეროა. დასანანია, რომ სამი ქულა ვერ მოვიპოვეთ“, – განაცხადა კვარაცხელიამ.ნაკრების ერთ-ერთი ლიდერის თქმით, საქართველოს ნაკრებმა საგოლე მომენტების რეალიზება ვერ შეძლო, რადგან მეტოქემ 90 წუთი დაცვიდან ითამაშა.რაც შეეხება დატვირთულ განრიგს და ქართველ ფეხბურთელთა მიერ ათ დღეში ჩატარებულ ოთხ მატჩს, 21 წლის კვარაცხელიას მიაჩნია, რომ ფეხბურთელებმა ასეთ დატვირთვას უნდა გაუძლონ.„რა თქმა უნდა, ასეთი გრაფიკით თამაში რთულია, მაგრამ ფეხბურთელი იმიტომ ხარ, რომ მსგავს დატვირთვებს გაუძლო“, – აღნიშნა კვარაცხელიამ.შემოდგომაზე საქართველოს ნაკრები ორ გადამწყვეტ მატჩს გამართავს გიბრალტარისა და ჩრდილოეთ მაკედონიის გუნდებთან. ჩრდილოეთ მაკედონიის ნაკრები თბილისში 23 სექტემბერს ჩამოვა, ხოლო 26 სექტემბერს ქართველი ფეხბურთელები გიბრალტართან გასვლაზე ითამაშებენ.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/03/1c/251299673_142:0:2414:1704_1920x0_80_0_0_af3a16affc7de8f3c3264cfa358f50bf.jpgSputnik საქართველო
media@sputniknews.com
+74956456601
MIA „Rosiya Segodnya“
საქართველო, სპორტი, საზოგადოება, ახალი ამბები
საქართველო, სპორტი, საზოგადოება, ახალი ამბები
„ჩრდილოეთ მაკედონია აუცილებლად უნდა დავამარცხოთ" - კვარაცხელია
13:50 13.06.2022 (განახლებულია: 18:36 13.06.2022) საქართველოს ნაკრები შემოდგომაზე ორ გადამწყვეტ მატჩს გამართავს.
თბილისი, 13 ივნისი – Sputnik. საქართველოს ნაკრების ფეხბურთელები სექტემბრის მოლოდინში არიან, რათა ჩრდილოეთ მაკედონიის გუნდი საკუთარ მოედანზე, „დინამო არენაზე“ დაამარცხონ, განაცხადა საქართველოს ნაკრების ნახევარმცველმა ხვიჩა კვარაცხელიამ ბულგარეთთან გამართული მატჩის შემდეგ.
12 ივნისს საქართველოს ნაკრებმა ბულგარეთის ნაკრების დამარცხება ვერ შეძლო. უეფას ერთა ლიგის მეოთხე ტურის მატჩი ანგარიშით 0:0 დასრულდა. მიუხედავად ამისა, საქართველოს ნაკრები 10 ქულით C4 ჯგუფში დამაჯერებლად ლიდერობს. მაკედონელები შვიდი ქულით ჯგუფში მეორე ადგილზე არიან.
„არა უშავს, ველოდებით სექტემბერს და ჩრდილოეთ მაკედონიას სახლშიც აუცილებლად უნდა მოვუგოთ“, – განაცხადა ხვიჩა კვარაცხელიამ.
ფეხბურთელმა ქომაგობისთვის მადლობა გადაუხადა ქართველ გულშემატკივრებს, რომლებმაც გუშინ „დინამო არენა“ მთლიანად შეავსეს.
„მადლობა ქართველ გულშემატკივარს, ვინც მოვიდა და მხარი დაგვიჭრა – ამდენი ხალხი ძალიან მაგარი ატმოსფეროა. დასანანია, რომ სამი ქულა ვერ მოვიპოვეთ“, – განაცხადა კვარაცხელიამ.
ნაკრების ერთ-ერთი ლიდერის თქმით, საქართველოს ნაკრებმა საგოლე მომენტების რეალიზება ვერ შეძლო, რადგან მეტოქემ 90 წუთი დაცვიდან ითამაშა.
რაც შეეხება დატვირთულ განრიგს და ქართველ ფეხბურთელთა მიერ ათ დღეში ჩატარებულ ოთხ მატჩს, 21 წლის კვარაცხელიას მიაჩნია, რომ ფეხბურთელებმა ასეთ დატვირთვას უნდა გაუძლონ.
„რა თქმა უნდა, ასეთი გრაფიკით თამაში რთულია, მაგრამ ფეხბურთელი იმიტომ ხარ, რომ მსგავს დატვირთვებს გაუძლო“, – აღნიშნა კვარაცხელიამ.
შემოდგომაზე საქართველოს ნაკრები ორ გადამწყვეტ მატჩს გამართავს გიბრალტარისა და ჩრდილოეთ მაკედონიის გუნდებთან. ჩრდილოეთ მაკედონიის ნაკრები თბილისში 23 სექტემბერს ჩამოვა, ხოლო 26 სექტემბერს ქართველი ფეხბურთელები გიბრალტართან გასვლაზე ითამაშებენ.