მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

იტალიის მთებში დაკარგული ვერტმფრენი ნაპოვნია: გადარჩენილი არავინაა

© AP Photo / Firefighter Vigili del Fuocoვერტმფრენი იტალიაში. მოსახლეობის ევაკუაცია
ვერტმფრენი იტალიაში. მოსახლეობის ევაკუაცია - Sputnik საქართველო, 1920, 11.06.2022
გამოწერა
Yandex newsTelegram
ვერტმფრენის ბორტზე, პილოტის გარდა, თურქეთის ოთხი მოქალაქე და ორი ლიბანელი იმყოფებოდა.
თბილისი, 11 ივნისი – Sputnik. იტალიელმა მაშველებმა ტოსკანისა და ემილია-რომანიას რეგიონების საზღვარზე 9 ივნისს გაუჩინარებული ვერტმფრენის კატასტროფის ადგილი და ნამსხვრევები იპოვეს, იუწყება ტელეარხი Rainews24.
გავრცელებული ინფორმაციით, ვერტმფრენის ბორტზე პილოტის გარდა, თურქეთის ოთხი მოქალაქე და ორი ლიბანელი იმყოფებოდა. ისინი ქალაქ ლუკადან, სადაც სამრეწველო გამოფენაზე იმყოფებოდნენ, ჩრდილოეთისკენ, ტრევიზოს პროვინციაში მიემგზავრებოდნენ.
ტელეარხის ინფორმაციით, ფრენა რთულ პირობებში მიმდინარეობდა: ვერტმფრენი გაქრა რადარებიდან აპენინის მთებში, მოდენას და რეჯიო-ემილიას მიდამოებში.
გაზეთი il Resto del Carlino იუწყება, რომ მაშველებმა ხუთი დაღუპულის ცხედარს მიაგნეს. აღინიშნა, რომ ავიაკატასტროფის შედეგად არავინ გადარჩენილა.
აღნიშნულია, რომ სამძებრო სამუშაოების მესამე დღეს, რომლებიც მხოლოდ ღამის საათებში წყდებოდა, მაშველებმა კუსნას მთაზე ნამსხვრევები და კრატერი აღმოაჩინეს, რომელიც სავარაუდოდ ვერტმფრენს ეკუთვნის.
იტალიური გამოცემა la Gazzetta di Modena ასევე იტყობინება, რომ ერთ-ერთი მგზავრის შვილმა მიიღო მოკლე ვიდეო, სადაც ჩანს, რომ ვერტმფრენი ძლიერი ქარისა და ძლიერი წვიმის პირობებში მიფრინავს.
წყარო - Rainews24.
ყველა ახალი ამბავი
0