https://sputnik-georgia.com/20220610/saqartveloshi-investiciebi-izrdeba-statistika-ganaxlda-267318967.html
საქართველოში ინვესტიციები იზრდება: სტატისტიკა განახლდა
საქართველოში ინვესტიციები იზრდება: სტატისტიკა განახლდა
Sputnik საქართველო
საანგარიშო პერიოდში ინვესტიციების განხორციელების კუთხით ლიდერი ქვეყნები არიან დიდი ბრიტანეთი, ნიდერლანდი, აშშ, ესპანეთი, თურქეთი და ჩინეთი. 10.06.2022-ს, Sputnik საქართველო
2022-06-10T11:37+0400
2022-06-10T11:37+0400
2022-06-10T15:50+0400
საქართველო
ეკონომიკა
საზოგადოება
ახალი ამბები
https://cdnn1.img.sputnik-georgia.com/img/23926/62/239266220_0:100:1920:1180_1920x0_80_0_0_fd77e49578e9822d190258e8d7409f38.jpg
თბილისი, 10 ივნისი — Sputnik. საქართველოში პირდაპირი უცხოური ინვესტიციების მოცულობა 2022 წლის პირველ კვარტალში, წინასწარი შეფასებით, 2021 წლის იანვარი–მარტთან შედარებით 4,3-ჯერ გაიზარდა და 568,2 მლნ აშშ დოლარი შეადგინა, ნათქვამია სტატისტიკის ეროვნული სამსახურის „საქსტატის" ინფორმაციაში.„საქსტატი“ ინვესტიციების ზრდის ძირითად მიზეზად სააქციო კაპიტალის და რეინვესტიციის მაჩვენებლების ზრდას ასახელებს.საანგარიშო პერიოდში საქართველოში ინვესტიციების განხორციელების მხრივ ლიდერი პოზიციები ეკავათ დიდ ბრიტანეთს, ნიდერლანდს, აშშ-ს, ესპანეთს, თურქეთსა და ჩინეთს. ინვესტიციები ასევე შემოვიდა მარშალის კუნძულებიდან, მალტიდან, გერმანიიდან და სხვა ქვეყნებიდან.რომელ დარგებში აბანდებენ2022 წლის პირველ კვარტალში საქართველოში ინვესტირებისთვის ყველაზე პოპულარული დარგები იყო საფინანსო სექტორი, ენერგეტიკა, გადამამუშავებელი მრეწველობა, უძრავი ქონება და ტრანსპორტი.ინვესტიციები ასევე განხორციელდა მშენებლობაში, კავშირგაბმულობაში, სასტუმროებსა და რესტორნებში, ჯანდაცვასა და სოციალურ მომსახურებაში.რეინვესტიციებიეკონომიკაში ერთ-ერთი მნიშვნელოვანი ფაქტორი რეინვესტიციის დიდი მოცულობა გახდა – 318,2 მლნ დოლარი. ანუ იგი ოთხჯერ და მეტად გაიზარდა – 2021 წლის იანვარი-მარტში რეინვესტიციამ 72,6 მლნ დოლარი შეადგინა.2017 წლის 1 იანვრიდან საქართველოში ამოქმედდა საგადასახადო სისტემის ე.წ. ესტონური მოდელი, რომლის მიხედვითაც, გადასახადებისგან თავისუფლდება საწარმოთა მოგების ის ნაწილი, რომელიც წარმოების განვითარებისკენაა მიმართული. მოქმედი საგადასახადო კოდექსის თანახმად, მოგება გადასახადის განაკვეთზე 15%-ს შეადგენს.საინვესტიციო პოლიტიკამთავრობის ეკონომიკური პროგრამის თანახმად, ხელისუფლება პირობას დებს, რომ ქვეყნის საინვესტიციო პოლიტიკის ფორმირება თავიდან მოხდება. პოსტპანდემიურ პერიოდში საქართველო უცხოური ინვესტიციების მოზიდვის აგრესიულ პოლიტიკაზე გადავა, ქვეყანა ახლებურ პოზიციონირებას აპირებს.ამასთან, გაძლიერდება საინვესტიციო საქმიანობის კოორდინაციის მექანიზმები როგორც ცენტრალურ სახელმწიფო ორგანოებთან, ისე ადგილობრივ თვითმმართველობებთან.გარდა ამისა, მიიღებენ კანონს „მეწარმეთა შესახებ", რომელიც შესაბამისობაში იქნება ევროკავშირის კანონმდებლობასთან. ეს მნიშვნელოვნად შეუწყობს ხელს და პრაქტიკულად ახალ სივრცეს გაუხსნის ქართული და ევროპული ბიზნეს-ოპერატორების თანამშრომლობას. მათ შორის გამარტივდება ერთობლივი საწარმოების შექმნის პროცესი და გაიზრდება საქართველოში ახალი ინვესტიციებისა და ტექნოლოგიების მოზიდვის შესაძლებლობა.კონკურენტული და საქმიანი გარემოს შექმნის მიზნით სახელმწიფო ეტაპობრივად უარს იტყვის ეკონომიკის იმ სექტორებზე, რომლებსაც დამოუკიდებელი ფუნქციონირებისა და განვითარების პოტენციალი ექნებათ.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, ეკონომიკა, საზოგადოება, ახალი ამბები
საქართველო, ეკონომიკა, საზოგადოება, ახალი ამბები
საქართველოში ინვესტიციები იზრდება: სტატისტიკა განახლდა
11:37 10.06.2022 (განახლებულია: 15:50 10.06.2022) საანგარიშო პერიოდში ინვესტიციების განხორციელების კუთხით ლიდერი ქვეყნები არიან დიდი ბრიტანეთი, ნიდერლანდი, აშშ, ესპანეთი, თურქეთი და ჩინეთი.
თბილისი, 10 ივნისი — Sputnik. საქართველოში პირდაპირი უცხოური ინვესტიციების მოცულობა 2022 წლის პირველ კვარტალში, წინასწარი შეფასებით, 2021 წლის იანვარი–მარტთან შედარებით 4,3-ჯერ გაიზარდა და 568,2 მლნ აშშ დოლარი შეადგინა, ნათქვამია სტატისტიკის ეროვნული სამსახურის „საქსტატის" ინფორმაციაში.
„საქსტატი“ ინვესტიციების ზრდის ძირითად მიზეზად სააქციო კაპიტალის და რეინვესტიციის მაჩვენებლების ზრდას ასახელებს.
2020 წელს, კორონავირუსის პანდემიის ფონზე, საქართველოში პირდაპირი უცხოური ინვესტიციების მოცულობა 2019 წელთან შედარებით 57,2%-ით შემცირდა და 572 მლნ დოლარი შეადგინა. 2021 წელს ინვესტიციების მოცულობა ორჯერ გაიზარდა და 1,2 მლრდ დოლარი შეადგინა.
საანგარიშო პერიოდში საქართველოში ინვესტიციების განხორციელების მხრივ ლიდერი პოზიციები ეკავათ დიდ ბრიტანეთს, ნიდერლანდს, აშშ-ს, ესპანეთს, თურქეთსა და ჩინეთს. ინვესტიციები ასევე შემოვიდა მარშალის კუნძულებიდან, მალტიდან, გერმანიიდან და სხვა ქვეყნებიდან.
2022 წლის პირველ კვარტალში საქართველოში ინვესტირებისთვის ყველაზე პოპულარული დარგები იყო საფინანსო სექტორი, ენერგეტიკა, გადამამუშავებელი მრეწველობა, უძრავი ქონება და ტრანსპორტი.
ინვესტიციები ასევე განხორციელდა მშენებლობაში, კავშირგაბმულობაში, სასტუმროებსა და რესტორნებში, ჯანდაცვასა და სოციალურ მომსახურებაში.
ეკონომიკაში ერთ-ერთი მნიშვნელოვანი ფაქტორი რეინვესტიციის დიდი მოცულობა გახდა – 318,2 მლნ დოლარი. ანუ იგი ოთხჯერ და მეტად გაიზარდა – 2021 წლის იანვარი-მარტში რეინვესტიციამ 72,6 მლნ დოლარი შეადგინა.
ხელისუფლება და ექსპერტები რეინვესტიციის დიდი მოცულობის მიზეზად საგადასახადო სისტემაში ე.წ. ესტონური მოდელის დანერგვას ასახელებენ.
2017 წლის 1 იანვრიდან საქართველოში ამოქმედდა საგადასახადო სისტემის ე.წ. ესტონური მოდელი, რომლის მიხედვითაც, გადასახადებისგან თავისუფლდება საწარმოთა მოგების ის ნაწილი, რომელიც წარმოების განვითარებისკენაა მიმართული. მოქმედი საგადასახადო კოდექსის თანახმად, მოგება გადასახადის განაკვეთზე 15%-ს შეადგენს.
მთავრობის ეკონომიკური პროგრამის თანახმად, ხელისუფლება პირობას დებს, რომ ქვეყნის საინვესტიციო პოლიტიკის ფორმირება თავიდან მოხდება. პოსტპანდემიურ პერიოდში საქართველო უცხოური ინვესტიციების მოზიდვის აგრესიულ პოლიტიკაზე გადავა, ქვეყანა ახლებურ პოზიციონირებას აპირებს.
ამასთან, გაძლიერდება საინვესტიციო საქმიანობის კოორდინაციის მექანიზმები როგორც ცენტრალურ სახელმწიფო ორგანოებთან, ისე ადგილობრივ თვითმმართველობებთან.
გარდა ამისა, მიიღებენ კანონს „მეწარმეთა შესახებ", რომელიც შესაბამისობაში იქნება ევროკავშირის კანონმდებლობასთან. ეს მნიშვნელოვნად შეუწყობს ხელს და პრაქტიკულად ახალ სივრცეს გაუხსნის ქართული და ევროპული ბიზნეს-ოპერატორების თანამშრომლობას. მათ შორის გამარტივდება ერთობლივი საწარმოების შექმნის პროცესი და გაიზრდება საქართველოში ახალი ინვესტიციებისა და ტექნოლოგიების მოზიდვის შესაძლებლობა.
კონკურენტული და საქმიანი გარემოს შექმნის მიზნით სახელმწიფო ეტაპობრივად უარს იტყვის ეკონომიკის იმ სექტორებზე, რომლებსაც დამოუკიდებელი ფუნქციონირებისა და განვითარების პოტენციალი ექნებათ.
