მოსკოვმა კიბერშეტევებში ქართველი, ამერიკელი და სხვა ქვეყნების ჰაკერები დაადანაშაულა

© photo: Sputnik / Alexey Mal'gavko / გადასვლა მედიაბანკშიგლობალური კიბერ-შეტევა
გლობალური კიბერ-შეტევა - Sputnik საქართველო, 1920, 09.06.2022
გამოწერა
რუსეთში კრიტიკული ინფრასტრუქტურის ობიექტებზე კოორდინირებულ DDoS-შეტევებში ათობით ათასი ჰაკერი მონაწილეობდა, განაცხადა კრუტსკიხმა
თბილისი, 9 ივნისი – Sputnik. 22 ჰაკერული ჯგუფი, მათ შორის შეერთებული შტატებიდან და საქართველოდან, ჩართული იყო კომპიუტერულ თავდასხმებში რუსეთის კრიტიკული საინფორმაციო ინფრასტრუქტურის ობიექტებზე, განაცხადა რუსეთის ფედერაციის პრეზიდენტის სპეციალურმა წარმომადგენელმა ინფორმაციული უსაფრთხოების სფეროში საერთაშორისო თანამშრომლობის საკითხებში ანდრეი კრუტსკიხმა.
ყველაზე აქტიურ ჰაკერულ ჯგუფებს შორის მან დაასახელა IT-army of Ukraine (უკრაინა), GhostClan (აშშ), GNG (საქართველო), Squad303 (პოლონეთი).ძირითადად საუბარია DDoS-შეტევებზე.
„2022 წლის მაისის მდგომარეობით, აშშ-დან, თურქეთიდან, საქართველოსა და ევროკავშირის ქვეყნებიდან 65000-ზე მეტი „დივანის ჰაკერი“ რეგულარულად მონაწილეობდა კოორდინირებულ DDoS-შეტევებში ჩვენი ქვეყნის კრიტიკულ საინფორმაციო ინფრასტრუქტურაზე, მათ შორის ვიდეოჰოსტინგ Rutube-ზე“, - ციტირებს კრუტსკიხს რუსეთის ფედერაციის საგარეო საქმეთა სამინისტრო.
მისი თქმით, ჰაკერული თავდასხმები ხორციელდება სახელმწიფო დაწესებულებებზე, კრიტიკული და სოციალური ინფრასტრუქტურის ობიექტებზე, რუსეთის მოქალაქეების და რუსეთში მცხოვრები უცხოელების პირადი მონაცემების საცავებზე.
„დივერსიაზე პასუხისმგებლობას იღებენ ოფიციალური პირები აშშ-სა და უკრაინაში. სწორედ იქ კატეგორიულ უარს ამბობენ საერთაშორისო სამართლებრივი საფუძვლების შემუშავებაზე. მათ, როგორც ჩანს, ბოლომდე არ ესმით, რამდენად საშიშია აგრესიულობა და ბანდიტიზმის წახალისება ინფორმაციული უსაფრთხოების სფეროში“, - აღნიშნა კრუტსკიხმა.
მან განმარტა, რომ თავდამსხმელები იყენებენ დამაზიანებელ პროგრამულ უზრუნველყოფას, რომელიც დაფუძნებულია Hetzner (გერმანია) და DigitalOcean (აშშ) მომწოდებელი კომპანიების სერვერებზე. აქტიურად გამოიყენება უცხოური სპეციალიზებული პლატფორმები (War.Apexi.Tech, Ban-Dera.com), რეგულარულად გამოიყენება IPstress.in და Google-ის სერვერების ონლაინ სიმძლავრეები.
წყარო - რუსეთის საგარეო საქმეთა სამინისტრო
ყველა ახალი ამბავი
0