მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ევროპა ზამთრისთვის ემზადება: გამოქვეყნდა გაზის საცავების შევსების დონე

© photo: Sputnik / Ygor Zarembo / ფოტობანკში გადასვლა
  - Sputnik საქართველო, 1920, 09.06.2022
გამოწერა
Yandex newsTelegram
თბილისი, 9 ივნისი — Sputnik. ევროპული კომპანიები ზამთრისთვის მზადებასა და გაზის მიწისქვეშა საცავებში ჩატუმბვას განაგრძობენ, შენახული აირის საშუალო დონემ საცავების მოცულობის ნახევარს გადააჭარბა, ნათქვამია Gas Infrastructure Europe-ს (GIE) მონაცემებში.
ევროპული გაზის საწყობების დატვირთვა, 8 ივნისის დილის მდგომარეობით, 50,24% იყო (დღის განმავლობაში ზრდა თითქმის 0,4%). საცავებში გაზის მთლიანმა მოცულობამ დაახლოებით 53,3 მილიარდ კუბურ მეტრს მიაღწია.
გაზის საცავებში ჩატვირთვა 19 მარტს დაიწყო, თუმცა მარტის ბოლოსა და აპრილის დასაწყისში ევროპული კომპანიები, ცივი ამინდების გამო, მცირე ხნით გადავიდნენ აირის ამოღებაზე. მაშინ საცავების შევსების მაჩვენებელი 25,5%-ს, ანუ 27,4 მილიარდ კუბურ მეტრს შეადგენდა.
გაზის მიწისქვეშა საცავების შევსების საშუალო 30%-იანი ნიშნული 20 აპრილს (დაახლოებით 32,2 მლრდ კუბური მეტრი) გადაილახა, ხოლო 40%-იანი მაჩვენებელი — 15 მაისს (დაახლოებით 42,7 მლრდ კუბური მეტრი).
აღინიშნება, რომ ჩატუმბვის ტემპები არ შენელებულა მას შემდეგ, რაც ევროპულმა კომპანიებმა უარი თქვეს რუსული გაზის საფასურის რუბლში გადახდაზე. მაისის ბოლოს „გაზპრომმა“ მიწოდებები შეუჩერა ფინურ კომპანია Gasum-სა და ნიდერლანდურ GasTerra-ს, ხოლო1 ივნისს — გერმანულ Shell Energy Europe-სა და დანიურ Orsted-ს.
ევროპა გეგმავს, რომ ბუნებრივი აირის თავისი მიწისქვეშა საცავები 1 ნოემბრისთვის მინიმუმ 80%-ით შეავსოს.
ყველა ახალი ამბავი
0