როგორ მოვიხსნათ ძლიერი სტრესი 15 წუთში: ხუთი მარტივი ხერხი
15:51 09.06.2022 (განახლებულია: 10:48 17.08.2023)
გამოწერა
დღეს ძალიან ბევრი ადამიანი ცხოვრობს მუდმივი ნერვული დაძაბულობის რეჟიმში. ამის მიზეზები შეიძლება ძალიან განსხვავებული იყოს, მაგრამ შედეგი ერთია — ქრონიკული სტრესი, რომელიც უკიდურესად საზიანოა ჯანმრთელობისთვის.
სპეციალისტების თქმით, გულთან, წნევასთან და სხვა ორგანოებთან დაკავშირებული პრობლემების თავიდან აცილება სულ რაღაც 15 წუთში შეიძლება — მარტივი ვარჯიშებით.
ეს ვარჯიშები ასე გამოიყურება:
ხელების წრიული ბრუნვა — დადექით სწორად, ფეხები მხრების სიგანეზე დადგით. გაშალეთ ხელები და გააკეთეთ წრიული მოძრაობები ჯერ ერთი მიმართულებით, შემდეგ საპირისპირო მიმართულებით. საკმარისია ხუთი გამეორება.
დახრები — წინ, გვერდზე და უკან გადახრები დაგეხმარებათ ზურგის მოდუნებაში ხანგრძლივი წოლის, ან ჯდომის შემდეგ. ამავდროულად სისხლის მიმოქცევასაც გაგიუმჯობესებთ, რაც გუნების გამოკეთებაში დაგეხმარებათ.
ჩაჯდომები — ვარჯიშის დროს ზურგი სწორად უნდა გეჭიროთ, წინააღმდეგ შემთხვევაში ვერანაირ სარგებელს ვერ მიიღებთ. სხვათა შორის, ფიტნეს-ტრენერები ამბობენ, რომ დუნდულების ლამაზი რელიეფის ჩამოსაყალიბებლად ჩაჯდომებზე უფრო ეფექტური ვარჯიში არ არსებობს.
„მერცხალი“ — დადექით ცალ ფეხზე, მეორე კი განზე გაშალეთ. ეს შესანიშნავი ვარჯიშია კოორდინაციის განვითარებისთვის. ამავე დროს „მერცხალი“ დაგეხმარებათ საკუთარ გრძნობებზე კონცენტრირებაში. და ყველა ცუდი აზრი სწრაფად „აორთქლდება“ თავიდან.
ხტუნვა — მთავარი პირობაა: არ მოხაროთ ფეხები ხტომისას, ხოლო თავი და ზურგი სწორად გეჭიროთ. აუცილებელია 35-40 ნახტომის გაკეთება, შემდეგ მოკლე შესვენება და ვარჯიშის კიდევ ერთხელ გამეორება.
