მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

გამორთეთ შუქი და კონდიციონერები: იაპონია ელექტროენერგიის დაზოგვის რეჟიმზე გადადის

© AFP 2022 / Philip Fong
  - Sputnik საქართველო, 1920, 07.06.2022
გამოწერა
Yandex newsTelegram
თბილისი, 7 ივნისი — Sputnik. იაპონიის ხელისუფლება მომავალ ზამთარში ელექტროენერგიის დეფიციტს ელოდება, ამის გამო აუცილებელია, რომ ქვეყნის მოსახლეობამ ზაფხულში ელექტროენერგია მაქსიმალურად დაზოგოს, განაცხადა ეკონომიკის, ვაჭრობისა და მრეწველობის მინისტრმა კოიჩი ჰაგიუდამ.
მისი თქმით, ქვეყანა ელექტროენერგიის დაზოგვის რეჟიმს უბრუნდება, რომელიც მანამდე ატომურ ელექტროსადგურ „ფუკუშიმა-1“-ზე მომხდარი ავარიის შემდეგ დაინერგა (2011 წ.) და 2015 წლამდე მოქმედებდა.
ჰაგიუდას განმარტებით, ზაფხულში ელექტროენერგიის მიწოდებისა და მოთხოვნის კოეფიციენტი სამ რეგიონში — ტოკიოში, ტოჰოკუსა და ტიუბუში 3,1%-მდე შემცირდება.

„ზამთარში კი ველოდებით, რომ ეს მაჩვენებელი უარყოფითი იქნება. ამიტომ მოგიწოდებთ, რომ ელექტროენერგია მაქსიმალურად დაზოგოთ მთელი ქვეყნის მასშტაბით“, — განაცხადა მინისტრმა.

ამასთან ჰაგიუდამ თხოვნით მიმართა მოსახლეობასა და კომპანიებს, რომ კონდიციონერები დაბალ სიმძლავრეზე ამუშავონ – ისე, რომ შენობებში ჰაერის ტემპერატურა 28 გრადუსზე დაბლა არ ჩამოვიდეს, და ჩააქრონ შუქი იქ, სადაც განათება აუცილებელი არ არის.
იაპონიის მთავრობა არ გამორიცხავს, რომ წლევანდელი ზამთრის სეზონი ქვეყნისთვის ყველაზე მძიმე გამოდგეს 2012 წლის შემდეგ. მიზეზად დასახელებულია გათხევადებული ბუნებრივი აირის გაძვირება და ელექტროენერგიის სტაბილურად მიწოდების სავარაუდო პრობლემები.
ყველა ახალი ამბავი
0