მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ბირთვული გამოცდის მოლოდინში: აშშ ფხენიანს მტკიცე პასუხს გასცემს

© photo: Sputnik / Alexey Vitvitskiy / ფოტობანკში გადასვლაუენდი შერმანი
უენდი შერმანი - Sputnik საქართველო, 1920, 07.06.2022
გამოწერა
Yandex newsTelegram
თბილისი, 7 ივნისი — Sputnik. შეერთებული შტატები, სამხრეთ კორეა და მთელი მსოფლიო მტკიცედ და მკაცრად უპასუხებენ ჩრდილოეთ კორეას, თუ ის ბირთვულ იარაღს გამოცდის, განაცხადა აშშ-ის სახელმწიფო მდივნის მოადგილემ უენდი შერმანმა.
მან ეს განცხადება სეულში გააკეთა მას შემდეგ, რაც სამხრეთ კორეელ კოლეგა ჩო ჰენ დონთან მოლაპარაკებები გამართა.

„ნებისმიერი ბირთვული გამოცდა გაეროს უშიშროების საბჭოს რეზოლუციის სრული დარღვევა იქნება. ასეთ გამოცდას სწრაფი და მტკიცე პასუხი მოჰყვება. <...> დარწმუნებული ვარ, რომ არა მარტო სამხრეთ კორეა, შეერთებული შტატები და იაპონია, არამედ მთელი მსოფლიო უპასუხებს ამას ძლიერი და მკაფიო მანერით“, — აღნიშნა უენდი შერმანმა პრესკონფერენციაზე.

5 ივნისს ჩრდილოეთ კორეამ იაპონიის ზღვაში რამდენიმე ბალისტიკური რაკეტა გაუშვა, რაც მე-18 გამოცდაა მიმდინარე წლის დასაწყისიდან. ამის პასუხად სამხრეთ კორეამ და შეერთებულმა შტატებმა „ხმელეთი-ხმელეთის“ ტიპის რვა რაკეტა გაუშვეს იმავე მიმართულებით. სეულის განცხადებით, რაკეტების ერთობლივი გაშვება მიზნად ისახავს „პროვოკაციების წყაროებზე ან მათ სარდლობასა და მხარდაჭერის ძალებზე დაუყოვნებელი ზუსტი დარტყმების განხორციელების უნარისა და მზადყოფნის დემონსტრირებას“.
ოდნავ მოგვიანებით ატომური ენერგიის საერთაშორისო სააგენტოს (IAEA) გენერალურმა დირექტორმა რაფაელ გროსიმ განაცხადა, რომ ჩრდილოეთ კორეაში პუნგერის ბირთვულ პოლიგონზე ერთ-ერთი შტოლნი, სავარაუდოდ, ღიაა, რაც, მისი აზრით, შესაძლოა ფხენიანის ახალი ბირთვული გამოცდისთვის სამზადისზე მიანიშნებდეს.
აღსანიშნავია, რომ ჩრდილოეთ კორეას ბირთვული გამოცდა 2017 წლის შემდეგ არ ჩაუტარებია.
წყარო: Reuters
ყველა ახალი ამბავი
0