საქართველოს პარლამენტის თავმჯდომარე დეპუტატების წინაშე ყოველწლიური ანგარიშით წარდგება

© Parliament of Georgiaშალვა პაპუაშვილი
შალვა პაპუაშვილი - Sputnik საქართველო, 1920, 06.06.2022
გამოწერა
Yandex newsTelegram
ოთხშაბათს პლენარულ სხდომაში მონაწილეობას მიიღებენ მთავრობისა და დიპლომატიური კორპუსის წარმომადგენლები.
თბილისი, 6 ივნისი – Sputnik. საქართველოს პარლამენტის თავმჯდომარე შალვა პაპუაშვილი 8 ივნისს დეპუტატების წინაშე პარლამენტის საქმიანობისა და მომდევნო წლის სამოქმედო გეგმის შესახებ ანგარიშით წარდგება.
პლენარულ სხდომაში მონაწილეობას მიიღებენ მთავრობისა და დიპლომატიური კორპუსის წარმომადგენლები.
გარდა ამისა, მიმდინარე კვირაში დეპუტატები დაჩქარებული წესით განიხილავენ 30-მდე საკითხს, მათ შორის, კანონპროექტებს, ნათქვამია პარლამენტის პრეს-სამსახურის განცხადებაში.
7 ივნისს რეგლამენტით გათვალისწინებული პოლიტიკური განცხადებების შემდეგ დაიწყება კანონპროექტების განხილვა. იმავე დღეს საპარლამენტო პოლიტიკური ჯგუფი „ლელო - პარტნიორობა საქართველოსთვის“ თავისუფალი ტრიბუნით ისარგებლებს.
9 ივნისს მოსალოდნელია კენჭისყრა პარტია „ერთიანი ნაციონალური მოძრაობის“ დეპუტატ ზაალ უდუმაშვილისთვის დეპუტატის უფლებამოსილების ვადაზე ადრე შეწყვეტის თაობაზე.
იმავე დღეს პარლამენტი მოუსმენს თავდაცვის მინისტრს ჯუანშერ ბურჭულაძეს „მინისტრის საათის“ ფორმატში.
პარლამენტის რეგლამენტით, ყველა მინისტრი წელიწადში ერთხელ პარლამენტში „მინისტრის საათის“ ფარგლებში შესრულებული საქმიანობის შესახებ მოხსენებით გამოდის. გარდა ამისა, მინისტრი შეიძლება გამოიძახოს დეპუტატთა ჯგუფმა, რათა მან უპასუხოს წინასწარ შეთანხმებულ კითხვებს.
წყარო - პარლამენტის ვებ-გვერდი
ყველა ახალი ამბავი
0