წალენჯიხაში ლიტერატურული ფესტივალი „გრანელი“ გაიმართება

© City Hall of Tsalenjikha Municipalityწალენჯიხა
წალენჯიხა - Sputnik საქართველო, 1920, 05.06.2022
გამოწერა
Yandex newsTelegram
წალენჯიხის მოსახლეობას და სტუმრებს მრავალფეროვანი ლიტერატურული პროგრამა და გასართობი ღონისძიებები ელოდება
თბილისი, 4 ივნისი – Sputnik. წალენჯიხაში 17-19 ივნისს ლიტერატურული ფესტივალი „გრანელი“ გაიმართება.
ფესტივალი ატარებს საკულტო ქართველი პოეტის, ესეისტის, გრაფიკოსის ტერენტი კვირკველიას სახელს, რომელსაც ტერენტი გრანელის ფსევდონიმით იცნობენ. ის დაიბადა წალენჯიხაში (მაშინდელი ქუთაისის გუბერნია). წელს გრანელის დაბადებიდან 125 წლისთავს აღინიშნება.
© National Library of Georgiaტერენტი გრანელი
ტერენტი გრანელი - Sputnik საქართველო, 1920, 05.06.2022
ტერენტი გრანელი
ფესტივალის ფარგლებში წალენჯიხის პარკსა და ქალაქ ჯვარის კულტურის სახლში 15-მდე გამომცემლობის მონაწილეობით წიგნის ბაზრობები გაიმართება.
ლიტერატურული პროგრამა მოიცავს თემატურ დისკუსიებს, წიგნების პრეზენტაციას, საჯარო ლექციებს და შეხვედრებს თანამედროვე ქართველ მწერლებთან. დაგეგმილია შეხვედრები პაატა შამუგიასთან, დიანა ანფიმიადისთან, ერეკლე დეისაძესთან, რატი ამაღლობელთან, ეკა ტოგონიძესთან, ლაშა ბუღაძესთან, ზვიად კვარაცხელიასთან და სხვებთან.
19 ივნისს წალენჯიხაში თანამედროვე ხელოვნების გალერეა და ლევან ცუცქირიძის სახელობის სამხატვრო სტუდია გაიხსნება. იმავე დღეს, დასკვნით საზეიმო ცერემონიაზე გამოვლინდება ფესტივალის სპეციალური ჯილდოს - „ქართულ-აფხაზური ურთიერთობებისა და ლიტერატურის განვითარებაში შეტანილი განსაკუთრებული წვლილისთვის“ - გამარჯვებული.
ფესტივალ „გრანელის“ გასართობ ნაწილში სტუმრებს უჩვენებენ ბესო სოლომანაშვილისა და მარიამ გულბიანის ფილმებს, ასევე იქნება მუსიკალური ღონისძიება.
ფესტივალის ორგანიზატორები არიან საქართველოს წიგნის გამომცემელთა და გამავრცელებელთა ასოციაცია, წალენჯიხის მუნიციპალიტეტის მერია.
ყველა ახალი ამბავი
0