ილია მეორემ დედოფალ ელისაბედს აღსაყდრების 70 წლისთავი მიულოცა

© photo: Sputnik / Aram Nersesyanილია მეორე
ილია მეორე - Sputnik საქართველო, 1920, 05.06.2022
გამოწერა
ილია მეორემ ბრიტანეთის დედოფალს სამეფო ტახტის ყველაზე ძლიერი და გავლენიანი გამგებელი უწოდა
თბილისი, 5 ივნისი — Sputnik. საქართველოს კათოლიკოს-პატრიარქმა ილია მეორემ, გაერთიანებული სამეფოს დედოფალს ელისაბედ მეორეს დიდი ბრიტანეთისა და ჩრდილოეთ ირლანდიის გაერთიანებული სამეფოს ტახტზე აღსაყდრების 70 წლისთავი მიულოცა.
დედოფალ ელისაბედს ილია მეორემ დღეგრძელობა და სამეფო ოჯახის შემდგომი წარმატებები უსურვა.
„დღეს მსოფლიოში თქვენ ბრძანდებით ყველაზე გამორჩეული მონარქი და სამეფო ტახტის ყველაზე ძლიერი და გავლენიანი გამგებელი. თქვენი მოღვაწეობა მთელი ეპოქაა, რომელმაც წლების მანძილზე განამტკიცა თქვენი ქვეყანა განსაკუთრებით რთულ პერიოდებში და წარუშლელი როლი შეასრულა თქვენი სამეფოს ისტორიაში. ყოველთვის დიდი პატივისცემით ვიხსენებ თქვენთან შეხვედრას და ღრმა შინაარსიან საუბარს“, - ნათქვამია პატრიარქის წერილში.
დიდ ბრიტანეთში დედოფალ ელისაბედ II-ის მეფობის პლატინის იუბილეს ფართომასშტაბიანი აღნიშვნა დაიწყო. დედოფალი წელს მეფობის 70 წლის იუბილეს, კორონაციის 69-ე წლისთავს და დაბადებიდან 96 წლის იუბილეს აღნიშნავს.
ელისაბედ მეორე ტახტზე ავიდა 1952 წლის 6 თებერვალს - 25 წლის ასაკში.
ელისაბედ II გახდა პირველი ბრიტანელი მონარქი, რომელმაც აღნიშნა პლატინის იუბილე - ტახტზე ყოფნის 70 წელიწადი. 1952 წლის 6 თებერვალს იგი დიდი ბრიტანეთის დედოფლად გამოცხადდა, კორონაცია კი 1953 წლის 2 ივნისს შედგა. მას შემდეგ, რაც მისი ტახტზე ასვლის წლისთავი ემთხვევა მამის, მეფე გეორგ VI-ის გარდაცვალების თარიღს, დღესასწაულები ისევე, როგორც წინა წლებში, ივნისში იმართება.
ბრიტანეთი ისტორიულ მოვლენას აღნიშნავს ოთხდღიანი უქმეებით: 2 ივნისიდან 5 ივნისამდე. ოთხი დღის განმავლობაში ბრიტანეთში მასშტაბური საზეიმო ღონისძიებები იმართება.
წყარო - საქართველოს საპატრიარქო
ყველა ახალი ამბავი
0