სახელმწიფო 52 ეკომიგრანტ ოჯახს სახლებს შეუსყიდის

© courtesy of Tusheti National Parkსახლი სოფელში
სახლი სოფელში - Sputnik საქართველო, 1920, 04.06.2022
გამოწერა
Yandex newsTelegram
ეკომიგრანტი ოჯახები სახლებს საქართველოს ნებისმიერ რეგიონში თავადვე შეარჩევენ.
თბილისი, 4 ივნისი — Sputnik. დევნილთა, ეკომიგრანტთა და საარსებო წყაროებით უზრუნველყოფის სააგენტო 52 ეკომიგრანტ ოჯახს სახლებს შეუსყიდის.
სააგენტოში სტიქიური მოვლენების შედეგად დაზარალებულ და გადაადგილებას დაქვემდებარებულ ოჯახთა განსახლების საკითხების მარეგულირებელი კომისიის სხდომა გაიმართა.
კომისიამ აღნიშნული ოჯახები წინასწარ განსაზღვრული კრიტერიუმების შესაბამისად შეარჩია.
ეკომიგრანტი ოჯახების სია, რომლებსაც სააგენტო სახლებს შეუსყიდის, უწყების ვებგვერდზე გამოქვეყნდა.
ეკომიგრანტი ოჯახები სახლებს საქართველოს ნებისმიერ რეგიონში თავადვე შეარჩევენ.
კომისიის გადაწყვეტილებით, ახალი სახლების შესყიდვის პარალელურად, სახელმწიფო საკუთრებაში მცხოვრებ 140-მდე ეკომიგრანტ ოჯახს საცხოვრებელი ფართი საკუთრებაში გადაეცემა.
წყარო - დევნილთა, ეკომიგრანტთა და საარსებო წყაროებით უზრუნველყოფის სააგენტო
ყველა ახალი ამბავი
0