საბერძნეთში ქართველები იშვიათი მონეტის ქურდობისთვის დააკავეს

© AFP 2022 / ANGELOS TZORTZINISსაბერძნეთის პოლიცია
საბერძნეთის პოლიცია - Sputnik საქართველო, 1920, 04.06.2022
გამოწერა
Yandex newsTelegram
საერთო ჯამში, ნაქურდალი 400 ათას ევროზე მეტი ღირებულების არის.
თბილისი, 4 ივნისი — Sputnik. საბერძნეთში დააკავეს საქართველოს ორი მოქალაქე, რომლებმაც ბრიტანეთის სამეფო ოჯახის იშვიათი, საკოლექციო მონეტა მოიპარეს, იუწყება ტელეკომპანია „რუსთავი 2“.
საუბარია უელსის პრინც ჩარლზის და პრინცესა დიანას სამეფო ქორწილის ამსახველ მონეტაზე.
ბერძნული პოლიციის ინფორმაციით, ქართველი კრიმინალებისგან შემდგარ ჯგუფს ათენში არაერთი დანაშაული აქვს ჩადენილი. ისინი წინასწარი გეგმის მიხედვით არჩევდნენ სახლებს, საიდან ძვირფას ნივთებს და ფულს იპარავდნენ.
საკოლექციო მონეტასთან ერთად პოლიციამ ამოიღო ოქროს და ვერცხლის სამკაულები, ელექტროტექნიკა, მობილური ტელეფონები და ფულადი თანხა.
საერთო ჯამში, დანაშაულებრივი ჯგუფის მიერ მოპარული ნივთების ღირებულება 400 ათას ევროს აღემატება.
ტელეკომპანიის ცნობით, დაკავებულების დანაშაულებრივი ქმედებების გამოძიება გრძელდება.
წყარო - ტელეკომპანია „რუსთავი 2“.
ყველა ახალი ამბავი
0