„ქართული ლეგენდა“: „ერისიონი“ ახალი შოუ-პროგრამით წარდგება

© photo: Erisioni / FBანსამბლი „ერისიონი“
ანსამბლი „ერისიონი“ - Sputnik საქართველო, 1920, 04.06.2022
გამოწერა
Yandex newsTelegram
წარმოდგენაში ჩართული იქნება ახალი ქორეოგრაფიული და მუსიკალური დადგმები, რომლებზეც ანსამბლის სამხატვრო ხელმძღვანელი შერმადინ ჭკუასელი და მთავარი ქორეოგრაფი ეკა ჭკუასელი მუშაობდნენ.
თბილისი, 4 ივნისი — Sputnik. საქართველოს ხალხური სიმღერისა და ცეკვის სახელმწიფო აკადემიური ანსამბლი „ერისიონი" 4-5 ივნისს თბილისის საკონცერტო დარბაზში (ფილარმონია) წარმოადგენს განახლებულ შოუ-პროგრამას „ქართული ლეგენდა“.
„ქართული ლეგენდა“ მაყურებლისთვის ცნობილი პროგრამაა, რომელმაც 2002-2007 წლებში მსოფლიოში ფურორი მოახდინა.
© Sputnik / Alexander Imedashviliქართული სიმღერისა და ცეკვის ანსამბლ „ერისიონის“ რეპეტიციის კადრები
Кадры репетиции ансамбля грузинской песни и танца Эрисиони - Sputnik საქართველო, 1920, 04.06.2022
ქართული სიმღერისა და ცეკვის ანსამბლ „ერისიონის“ რეპეტიციის კადრები
შოუს დადგმასა და მსოფლიოში მის პოპულარიზაციაში დიდი როლი შეასრულეს ჯემალ ჭკუასელმა და რევაზ ჭოხონელიძემ, რომელთა ხსოვნის პატივსაცემადაც შეიქმნა ახალი შოუ-პროგრამა. პროგრამის განახლებაზე იმუშავეს ანსამბლის სამხატვრო ხელმძღვანელმა შერმადინ ჭკუასელმა და მთავარმა ქორეოგრაფმა ეკა ჭკუასელმა.
© photo: courtesy of Jemal Chkuaseli1885 წელს დაარსებული ქართული სიმღერისა და ცეკვის ანსამბლ „ერისიონის“ პირველი შემადგენლობა. ფოტოზე ცენტრში - ანსამბლის დამფუძნებელი ლადო აღნიაშვილი და ჩეხი იოსებ ნავრატილი (Josef Navrátil)
Первый состав ансамбля грузинских песен и танцев Эрисиони, основанного в 1885 году. На фото в центре - основатель ансамбля Ладо Агниашвили и чех Иосиф Навратил. - Sputnik საქართველო, 1920, 04.06.2022
1885 წელს დაარსებული ქართული სიმღერისა და ცეკვის ანსამბლ „ერისიონის“ პირველი შემადგენლობა. ფოტოზე ცენტრში - ანსამბლის დამფუძნებელი ლადო აღნიაშვილი და ჩეხი იოსებ ნავრატილი (Josef Navrátil)
ანსამბლი „ერისიონი" 1885 წელს დაფუძნდა. ამჟამად ის ერთ-ერთი ყველაზე მასშტაბური მსოფლიო პროექტია „ეთნოს" სტილში.
ანსამბლში ასზე მეტი ნიჭიერი არტისტი არა მხოლოდ დახვეწილი აკრობატული ელემენტების გამოყენებით ცეკვავს, არამედ მღერიან პოლიფონიურ სიმღერებს უნიკალური ქართული ტრადიციების გამოყენებით. გარდა ამისა, მსოფლიოში „ერისიონის“ არტისტები იმ მცირერიცხოვანთა რიცხვში არიან, რომლებიც დაეუფლნენ „პოპ-პოინტის“ ტექნიკას – ცეკვის ხელოვნებას რბილი ტყავის ბალეტის ფეხსაცმელში.
ყველა ახალი ამბავი
0