პრემიერ-მინისტრი ილია ელოშვილის გარდაცვალების გამო სამძიმარს გამოთქვამს

© Government of Georgiaირაკლი ღარიბაშვილი
ირაკლი ღარიბაშვილი - Sputnik საქართველო, 1920, 04.06.2022
გამოწერა
Yandex newsTelegram
1 ივნისს თბილისის მერის მოადგილე ილია ელოშვილი საკუთარ სახლში გარდაცვლილი იპოვეს.
თბილისი, 4 ივნისი — Sputnik. საქართველოს პრემიერ-მინისტრი ირაკლი ღარიბაშვილი ღრმა მწუხარებას გამოთქვამს თბილისის მერის მოადგილის, ილია ელოშვილის გარდაცვალების გამო, ნათქვამია სამძიმრის წერილში, რომელიც საქართველოს მთავრობის გვერდზე გამოქვეყნდა.
1 ივნისს თბილისის მერის მოადგილე ილია ელოშვილი საკუთარ სახლში გარდაცვლილი იპოვეს.
პრემიერის თქმით, ილია ელოშვილის გარდაცვალება დიდი დანაკლისია საქართველოსთვის.
„ილია გახლდათ გამორჩეული საჯარო მოხელე, ქვეყნის დიდი პატრიოტი, პროფესიონალი, ვისაც მუდამ თანამოქალაქეთადმი გვერდში დგომით იცნობდნენ. მისი წასვლა დიდი დანაკლისია ქალაქისთვის, ქვეყნისთვის, ახლობლებისა და მეგობრებისთვის. ამ მძიმე წუთებში, ვუსამძიმრებ და თანადგომას ვუცხადებ ილია ელოშვილის ოჯახის წევრებს, ახლობლებსა და კოლეგებს“-აღნიშნულია პრემიერის წერილში.
47 წლის ილია ელოშვილს მეუღლე და ორი შვილი დარჩა. ელოშვილი თბილისის მერის მოადგილის თანამდებობას 2017 წლიდან იკავებდა, იქამდე ენერგეტიკის მინისტრი, მანამდე კი ენერგეტიკის მინისტრის მოადგილე იყო.
ყველა ახალი ამბავი
0