ბესტსელერი „იკიგაის“ ავტორი ფრანსესკ მირალესი საქართველოს ეწვევა

© Courtesy of Francesc Mirallesმწერალი ფრანსესკ მირალესი
მწერალი ფრანსესკ მირალესი - Sputnik საქართველო, 1920, 04.06.2022
გამოწერა
Yandex newsTelegram
მაისში თბილისში გამოიცა წიგნი ქართულ თარგმანში „იკიგაი: ხანგრძლივი და ბედნიერი ცხოვრების იაპონური საიდუმლო“
თბილისი, 4 ივნისი – Sputnik. ბესტსელერის „იკიგაი: ხანგრძლივი და ბედნიერი ცხოვრების იაპონური საიდუმლო“ ავტორი, კატალონიელი მწერალი, ესეისტი, მთარგმნელი და მუსიკოსი ფრანსესკ მირალესი (Francesc Miralles) თბილისს 14 ივნისს ეწვევა და ქართველ მკითხველს შეხვდება.
მირალესის თანაავტორობით შექმნილი ნამუშევრის მიმართ ინტერესი წლიდან წლამდე იზრდება. საქართველოც არ ჩამორჩა - წიგნი ქართულად თარგმნეს და გამომცემლობამ „პალიტრა L“ 2022 წლის მაისიდან ის ხელმისაწვდომი გახადა.
© Courtesy of Francesc Mirallesფრანსესკ მირალესი თაყვანისმცემელთან ერთად
Писатель Миральес Франсеск c поклонницей - Sputnik საქართველო, 1920, 04.06.2022
ფრანსესკ მირალესი თაყვანისმცემელთან ერთად
იკიგაი - ეს არის იაპონური ფილოსოფია, რომლის დახმარებით ადამიანი ყოველდღიურ საქმეებში კმაყოფილებას, სიხარულს და გააზრებას პოულობს, შესაბამისად ის სიცოცხლის გახანგრძლივებას უწყობს ხელს. იკიგაი ეხმარება ადამიანს აზრების დალაგებაში, გარე სამყაროს სილამაზის აღქმაში, მოიპოვოს სიხარული წვრილმანებში, იგრძნოს ჰარმონია და სულიერი სიმშვიდე.
„თუ ადამიანი ახერხებს თავისი ჭეშმარიტი დანიშნულების პოვნას, მისი ცხოვრება ივსება სიხარულით, ენერგიითა და ჰარმონიით, ხოლო მისი ხარისხი და ხანგრძლივობა იზრდება. იაპონიის სოფელ ოჰიმიში (ოკინავა) უხუცესთა დასახლების აღმოჩენის შემდეგ, ავტორები იქ გაემგზავრნენ მათი ჯანმრთელობისა და კარგი განწყობის საიდუმლოებების ამოსახსნელად. პასუხი კი მარტივი აღმოჩნდა: ჯანსაღი კვებისა და ოპტიმალური დღის რეჟიმის გარდა, სოფლის თითოეულ მცხოვრებს საკუთარი იკიგაი გააჩნდა. წიგნის ავტორები მკითხველს მისი პოვნის გზებს უზიარებენ“, - ნათქვამია წიგნის აღწერაში.
მწერალთან შეხვედრა თბილისში, სასტუმრო „ბილტმორში“ 19:00 საათზე გაიმართება. დასწრება ფასიანია.
ყველა ახალი ამბავი
0