ძიუდო: ცნობილი გახდა თბილისის გრანდ სლემისთვის საქართველოს ნაკრების შემადგენლობა
10:18 02.06.2022 (განახლებულია: 17:26 02.06.2022)
© Facebook / Georgian Judo Federation
გამოწერა
საქართველოს ეროვნული ნაკრები მშობლიურ გრანდ სლემზე 28 ვაჟი და 11 ქალი ძიუდოისტით წარდგება.
თბილისი, 2 ივნისი – Sputnik. ძიუდოში თბილისის გრანდ სლემის დაწყებამდე ცნობილი გახდა საქართველოს ნაკრების სრული შემადგენლობა. ტურნირში მონაწილეობას 39 ქართველი სპორტსმენი მიიღებს.
თბილისის გრანდ სლემი მიმდინარე წლის 25-27 მარტს უნდა გამართულიყო, მაგრამ უკრაინაში განვითარებული მოვლენების გამო გადაიდო და 3-5 ივნისს ჩატარდება. თბილისის ტრადიციული საერთაშორისო ტურნირი 2021 წელს გახდა გრანდ სლემის სტატუსის, მანამდე კი საქართველოს დედაქალაქში თბილისის გრან პრი იმართებოდა.
გრანდ სლემისთვის რეგისტრაცია 38 ქვეყნის 285-მა ძიუდოისტმა (178 კაცი+107 ქალი) გაიარა, რაც გასული წლის მაჩვენებელთან შედარებით საგრძნობლად არის შემცირებული. 2021 წელს თბილისის ტურნირში 80 ქვეყნის 441 ძიუდოისტმა (241 კაცი+200 ქალი) მიიღო მონაწილეობა.
თუმცა, თბილისში 2021 წელს გამართული გრანდ სლემისგან განსხვავებით, ტატამზე გამოვლენ იაპონიის (4), სამხრეთ კორეისა (5) და საფრანგეთის ნაკრებების წარმომადგენლები.
საქართველოს ვაჟ ძიუდოისტთა ნაკრები მშობლიურ გრანდ სლემზე სრული კვოტით (28 ძიუდოისტი) წარდგება, ქალთა ეროვნული გუნდი კი ტატამზე 11 ძიუდოისტით გავა. ნაკრების სრული შემადგენლობა კი ასე გამოიყურება:
-60კგ: ლუხუმ ჩხვიმიანი, ჯაბა პაპინაშვილი, თემურ ნოზაძე, გიორგი სარდალაშვილი
-66კგ: ვაჟა მარგველაშვილი, გიორგი თუთაშვილი, ლაშა ნადირაძე, საბა კაპანაძე
-73კგ: ლაშა შავდათუაშვილი, გიორგი ტერაშვილი, გიორგი ჩიხელიძე, ფრიდონ გიგანი
-81კგ: ტატო გრიგალაშვილი, დიმიტრი გოჩილაძე, ლევან გუგავა, გიორგი შერაზადიშვილი
-90კგ: ბექა ღვინიაშვილი, უშანგი მარგიანი, გიორგი პაპუნაშვილი, იმედა გოგოლაძე
-100კგ: ილია სულამანიძე, ონისე სანებლიძე, გიორგი ბერიაშვილი, ომარ საური
+100კგ: გელა ზაალიშვილი, ლევან მატიაშვილი, გიორგი ქავთარაძე, ონისე ბუღაძე
-48კგ: ნატალია ყიფშიძე
-52კგ: მარი მახარაშვილი, ნინო ლოლაძე
-57კგ: ეთერ ლიპარტელიანი, გვანცა მჭედლიშვილი, ნინო წიკლაური
-63კგ: რეგინა უთნელიშვილი, მარიამ ციხელაშვილი
-70კგ: ინდირა სილაგაძე
-78კგ: მარიამ ჭანტურია
+78კგ: სოფიო სომხიშვილი
2022 წლის თბილისის გრანდ სლემი 3-5 ივნისს გაიმართება. გასულ წელს ტურნირმა მაყურებლების გარეშე ჩაიარა, საქართველოს ნაკრებმა კი გამოსვლა 9 მედლითა და გუნდური პირველობით დაასრულა: 2 ოქრო, 3 ვერცხლი, 4 ბრინჯაო. ჩემპიონები თემურ ნოზაძე (60კგ) და გელა ზაალიშვილი (+100კგ) გახდნენ, ვერცხლის მედლებს ვაჟა მარგველაშვილი (66კგ), ეთერ ლიპარტელიანი (57კგ) და ილია სულამანიძე (100კგ) დაეუფლნენ, ბრინჯაოს კი – ალეკო მამიაშვილი, ლაშა შავდათუაშვილი (ორივე – 73კგ), ტატო გრიგალაშვილი (81კგ) და საბა ინანეიშვილი (+100კგ).
