საქართველო WEF-ის მსოფლიო ტურიზმის რეიტინგში 44-ე ადგილზეა

© photo: Sputnik / Stringerტურისტები შავი ზღვის სანაპიროზე
ტურისტები შავი ზღვის სანაპიროზე - Sputnik საქართველო, 1920, 02.06.2022
გამოწერა
მოგზაურობისა და ტურიზმის განვითარების ინდექსს ორ წელიწადში ერთხელ მსოფლიო ეკონომიკური ფორუმი ატარებს.
თბილისი, 2 ივნისი — Sputnik. საქართველო მსოფლიო ეკონომიკური ფორუმის (WEF) მსოფლიო ტურიზმის რეიტინგში საუკეთესო 50 ქვეყნის ჩამონათვალში მოხვდა, ნათქვამია ტურიზმის ეროვნული ადმინისტრაციის მიერ გავრცელებულ ინფორმაციაში.
მსოფლიო ეკონომიკურმა ფორუმმა (WEF) გამოაქვეყნა ანგარიში სახელწოდებით „მოგზაურობისა და ტურიზმის განვითარების ინდექსი 2021" (Travel & Tourism Development Index 2021 ), სადაც სხვადასხვა ქვეყანაში ტურიზმის განვითარების ტემპებია შეფასებული.
ანგარიშში წარმოდგენილია 117 ქვეყნის რეიტინგი, სადაც საქართველო 44-ე ადგილს იკავებს. Travel & Tourism Competitiveness index-ის 2019 წლის რეიტინგში საქართველოს 68-ე ადგილი ეკავა.

„აღნიშნული შედეგით საქართველო საუკეთესოა თავის სამეზობლოში, უსწრებს სომხეთს, აზერბაიჯანს და თურქეთს", – აღნიშნულია ტურიზმის ადმინისტრაციის მიერ გავრცელებულ ინფორმაციაში.

უწყების ცნობით, საქართველო აგრეთვე უსწრებს მთელ რიგ ევროკავშირის წევრ ქვეყანას, მათ შორის ხორვატიას. საქართველო მოწინავეა ისრაელის, ბრაზილიის, ეგვიპტისა და სხვა გლობალური ტურიზმის მიზიდულობის ცენტრებთან შედარებით.
მსოფლიო ეკონომიკური ფორუმი მოგზაურობისა და ტურიზმის განვითარების ინდექსს ორ წელიწადში ერთხელ ატარებს.
ყველა ახალი ამბავი
0