ინტერნეტ-სივრცეში ბავშვის უფლებების დაცვასთან დაკავშირებით გზამკვლევი გამოიცა

© photo: Sputnik / Vladimir Pesnya / ფოტობანკში გადასვლაბავშვები კომპიუტერთან
ბავშვები კომპიუტერთან - Sputnik საქართველო, 1920, 01.06.2022
გამოწერა
Yandex newsTelegram
სახელმძღვანელოს გამოცემა ბავშვთა დაცვის საერთაშორისო დღეს ეძღვნება, რომელიც ყოველწლიურად 1 ივნისს აღინიშნება.
თბილისი, 1 ივნისი — Sputnik. ბავშვთა დაცვის საერთაშორისო დღესთან დაკავშირებით პერსონალურ მონაცემთა დაცვის სამსახურმა ინტერნეტ-სივრცეში ბავშვების უფლებების დაცვასთან დაკავშირებით გზამკვლევი შეიმუშავა.
გზამკვლევში სახელწოდებით „ციფრულ გარემოში ბავშვის პერსონალურ მონაცემთა დაცვა" ინტერნეტ-სივრცეში ბავშვების უფლებების დაცვასთან დაკავშირებით საუკეთესო საერთაშორისო სტანდარტებია გათვალისწინებული.
გზამკვლევის მიზანია ციფრულ გარემოში ბავშვების უფლებებთან დაკავშირებით საერთაშორისო სტანდარტების შესწავლა და მათი ეროვნულ კანონმდებლობასთან მისადაგება. პერსონალურ მონაცემთა დაცვის სამსახურში აღნიშნეს, რომ საქართველოში მოქმედი სამართლებრივი ჩარჩო პირდაპირ არ ითვალისწინებს ციფრულ გარემოში ბავშვების პერსონალურ მონაცემთა დაცვის უზრუნველსაყოფად საჭირო პროცედურებს.
როგორც უწყებაში აღნიშნავენ, ბავშვები სულ უფრო აქტიურად იყენებენ ინტერნეტს, რაც მათი ცხოვრების განუყოფელი ნაწილი ხდება. ციფრული გარემო ბავშვებს შესაძლებლობას აძლევს, მარტივად მოიძიონ მათთვის საინტერესო ინფორმაცია, განახორციელონ კომუნიკაცია, გამოხატონ საკუთარი აზრი და ა.შ. შესაბამისად, ერთი მხრივ, ონლაინ-სივრცე იძლევა სარგებელს, თუმცა, მეორე მხრივ, წარმოშობს გარკვეულ რისკებს ბავშვების პირადი ცხოვრების ხელშეუხებლობისა და პერსონალური მონაცემების დაცვის თვალსაზრისით.
ჩხენკელი: ჩვენი ვალია შევუქმნათ თითოეულ ბავშვს ჯანსაღი და უსაფრთხო გარემო განვითარებისთვის>>
ციფრულ გარემოში ბავშვის პერსონალურ მონაცემთა დაცვის გზამკვლევის ნახვა შესაძლებელია ბმულზე.
ზაფხულის პირველ დღეს ბავშვთა დაცვის საერთაშორისო დღეს ბევრი ქვეყანა აღნიშნავს. ბავშვთა დაცვის საერთაშორისო დღე ერთ-ერთი უძველესი საერთაშორისო დღესასწაულია. მისი ჩატარების გადაწყვეტილება 1949 წელს ქალთა საერთაშორისო დემოკრატიული ფედერაციის მიერ სპეციალურ სესიაზე მიიღეს, რომელსაც გაერომ მხარი დაუჭირა. ყოველწლიურად 1950 წლიდან აღინიშნება.
ყველა ახალი ამბავი
0