„გაზპრომმა“ ბუნებრივი აირის მიწოდება კიდევ ორ ევროპულ კომპანიას შეუწყვიტა

© photo: Sputnik / Alexey Vitvitskiy / ფოტობანკში გადასვლა
  - Sputnik საქართველო, 1920, 01.06.2022
გამოწერა
Yandex newsTelegram
თბილისი, 1 ივნისი — Sputnik. რუსეთის სახელმწიფო კომპანია „გაზპრომმა“ სრულად შეუჩერა გაზის მიწოდება დანიურ Orsted Salg & Service-სა და გერმანულ Shell Energy Europe-ს – ბუნებრივი აირის საფასურის რუბლით გადახდაზე უარის გამო, იუწყება საინფორმაციო სააგენტო „რია ნოვოსტი“ კომპანიის განცხადებაზე დაყრდნობით.

„31 მაისის სამუშაო დღის ბოლოს მდგომარეობით, „გაზპრომ ექსპორტს“ არ მიუღია აპრილის თვეში გაზის მიწოდებაზე გადახდა <...> რუსეთის პრეზიდენტის 2022 წლის 31 მარტის No172 ბრძანებულების შესაბამისად“, — ნათქვამია „გაზპრომის“ განცხადებაში.

საინფორმაციო სააგენტოს ცნობით, 2021 წელს „გაზპრომ ექსპორტმა“ Orsted-ს 1,97 მილიარდი კუბური მეტრი გაზი მიაწოდა, რაც დანიაში მთლიანი მოხმარების დაახლოებით 2/3-ია.
რაც შეეხება Shell Energy Europe-ს, მასთან ხელშეკრულება გერმანიისთვის წელიწადში 1,2 მილიარდ კუბომეტრამდე ბუნებრივი აირის მიწოდებას ითვალისწინებს.
მანამდე ამავე მიზეზით „გაზპრომმა“ ბუნებრივი აირის მიწოდება სრულად შეუწყვიტა ჰოლანდიურ კომპანია Gasterra-ს, ასევე ბულგარეთს, პოლონეთსა (აპრილში) და ფინეთს (21 მაისს). ამასთან კომპანიამ გააფრთხილა სხვა ქვეყნები, რომ იმ შემთხვევაში, თუ სოფიასა და ვარშავას საწვავს უკანონოდ მიაწვდიან, ტრანზიტს მათაც შეუმცირებს.
ყველა ახალი ამბავი
0