ჯონჯოლი და მისი უცნობი უნიკალური თვისებები

CC BY 2.0 / Flickr / gailhampshire / Staphyleaჯონჯოლი
ჯონჯოლი - Sputnik საქართველო, 1920, 31.05.2022
გამოწერა
НовостиTelegram
ეს მცენარე საქართველოში ძალიან ცნობილია. როგორც ამბობენ, მის გარეშე არცერთი სუფრა არ გაიშლება, ხოლო თუ გაიშალა და ის არ არის, არც არავინ მოისაკლისებს.
ამ დროს კი ჯონჯოლს უამრავი სასარგებლო თვისება აქვს, გირჩევთ ჩართოთ ის თქვენს რაციონში.
ჯონჯოლი (Staphylea) — ჯონჯოლისებრთა ოჯახის მცენარეთა გვარი. იზრდება ბუჩქის ან ხის სახით. ცნობილია მისი 11 სახეობა. კავკასიასა და საქართველოში ჯონჯოლის მხოლოდ ორი სახეობა გვხვდება: კოლხური ჯონჯოლი, რომელიც უმთავრესად დასავლეთ საქართველოში იზრდება, და ჩვეულებრივი ჯონჯოლი, რომელიც ქართლსა და კახეთშიც იზრდება. შეტანილია საქართველოს „წითელ წიგნში".
საქართველოს სხვადასხვა კუთხეში მას უწოდებენ ჟონჟოლს, კაპარს, კამპარს, ბოტიყვერას, თხაკაკალს.
ზეთისხილი და მისი სასარგებლო თვისებები>>
ჯონჯოლისგან (გაუშლელი ყვავილებისგან) უმეტესად მწნილს აკეთებენ. მედიცინაში იყენებენ მისი თესლისგან მიღებულ ზეთს. განსაკუთრებული სამკურნალო თვისებებით გამოირჩევა კოლხური ჯონჯოლი.
ჯონჯოლის კალორიულობა და შემადგენლობა
100 გრამი ჯონჯოლი 23 კილოკალორიას შეიცავს.
ჯონჯოლის შემადგენლობაშია:
ცილები – 2,36 გრამი
ცხიმები – 0,86 გრამი
ნახშირწყლები – 1,69 გრამი
საკვები ბოჭკოები – 3,2 გრამი
ნაცარი – 8,04 გრამი
წყალი – 83,85 გრამი
მაკროელემენტების შემცველობა 100 გრამზე:
ფოსფორი – 10 მილიგრამი
კალიუმი – 40 მილიგრამი
ნატრიუმი – 196,4 მილიგრამი
მაგნიუმი – 33 მილიგრამი
კალციუმი – 40 მილიგრამი
მიკროელემენტების შემცველობა 100 გრამზე
კაჟი – 50 მიკროგრამი
თუთია – 320 მიკროგრამი
სპილენძი – 0,374 მილიგრამი
მანგანუმი – 0,078 მილიგრამი
სელენი (სელენიუმი) – 1,2 მიკროგრამი
რკინა – 1,67 მილიგრამი
CC BY 2.0 / Wendy Cutler / Staphyleaჯონჯოლი
ჯონჯოლი - Sputnik საქართველო, 1920, 31.05.2022
ჯონჯოლი
ვიტამინების შემცველობა 100 გრამზე:
B1 (თიამინი) — 0,018 მილიგრამი
B2 (რიბოფლავინი) — 0,139 მილიგრამი
B6 (პირიდოქსინი) — 0,023 მილიგრამი
B9 (ფოლიუმის მჟავა) — 0,023 მილიგრამი
C — 4,3 მილიგრამი
E — 0,88 მილიგრამი
К (ფილოქინონი) — 0,0246 მილიგრამი
PP (ნიაცინის ეკვივალენტი) — 0,652 მილიგრამი
ქოლინი — 6,5 მილიგრამი
A — 0,007 მილიგრამი
ბეტა–კაროტინი — 0,083 მილიგრამი
B5 (პანტოთენის მჟავა) — 0,027 მილიგრამი.
ჯონჯოლის სასარგებლო თვისებები ადამიანის ორგანიზმისთვის:
აძლიერებს მეხსიერებას და ხელს უწყობს ყურადღების კონცენტრაციას
საჭმლის მომნელებელი სისტემის დარღვევებისას აღადგენს ნაწლავების მუშაობას
შველის გაციებისა და ვირუსული დაავადებების დროს გართულებული ხველებისას
არეგულირებს რეპროდუქტიული სისტემის მუშაობას ქალებშიც და მამაკაცებშიც
აჩქარებს მეტაბოლურ პროცესებს უჯრედის დონეზე, რისი წყალობითაც მაღლდება კუნთოვანი ქსოვილის ტონუსი და მუხრუჭდება დეგენერატულ-დისტროფიული ორგანული ცვლილებები – რადიკულიტები, ართროზები, ოსტეოქონდროზები.
მარწყვი – უგემრიელესი და უაღრესად სასარგებლო კენკრა>>
აფერხებს შაკიკის განვითარებას და ამცირებს შეტევების სიხშირეს
ანესთეზიური მოქმედება აქვს თავისა და კბილის ტკივილისას
ეხმარება ორგანიზმს დაგროვებული ტოქსინების გამოდევნაში
ასტიმულირებს ორგანიზმის რეგენერაციულ ფუნქციას: ჯონჯოლის მუდმივი მიღებისას მალე ხორცდება ჭრილობები და გაიწოვება დაჟეჟილობები, ფერხდება ჩირქოვანი პროცესების განვითარება; მოტეხილობების შემდეგ ხელს უწყობს დაზიანებული სახსრის მალე აღდგენას
არეგულირებს არტერიულ წნევას
კარგია ღვიძლის დაავადებების მკურნალობისას
აქვს მსუბუქი გამხსნელი ეფექტი
რეგულარული მიღებისას აძლიერებეს გულის მუშაობას.
ვინაიდან ჯონჯოლის ხე არ საჭიროებს ქიმიური პრეპარატების დახმარებას, შეგვიძლია დარწმუნებული ვიყოთ, რომ მისი ნაყოფი ნამდვილად ჯანსაღი პროდუქტია.
ჯონჯოლს უკუჩვენებები არა აქვს. მისი მიღება არ შეიძლება მხოლოდ ინდივიდუალური აუტანლობის დროს.
ყველა ახალი ამბავი
0