მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

თავდასხმა „ჯოკონდაზე“: ქალად გადაცმულმა მამაკაცმა შედევრს ტორტი ესროლა - ვიდეო

© photo: Sputnik / Vladimir Fedorenkoლეონარდო და ვინჩის „მონა ლიზა“ ლუვრში
ლეონარდო და ვინჩის „მონა ლიზა“ ლუვრში - Sputnik საქართველო, 1920, 30.05.2022
გამოწერა
Yandex newsTelegram
თბილისი, 30 მაისი — Sputnik. კვირა საღამოს ასაკოვან ქალბატონად გადაცმული მამაკაცი, რომელიც პარიზის ლუვრში ინვალიდის ეტლით მივიდა, ლეონარდო და ვინჩის ცნობილ შედევრს „მონა ლიზას“ დაესხა თავს, იუწყება Daily Wire.
გავრცელებული ინფორმაციით, მამაკაცი, რომელსაც თავზე პარიკი ეხურა, ხელოვნების შეუფასებელ ნიმუშს მიუახლოვდა და ტორტი ესროლა, შემდეგ კი ტყვიაგაუმტარი დამცავი მინის გატეხვა სცადა.
ინციდენტის ამსახველი ვიდეო ერთ-ერთმა თვითმხილველმა Twitter-ზე გამოაქვეყნა და კომენტარიც დაურთო:

„ქალად გადაცმული მამაკაცი ინვალიდის ეტლიდან წამოხტა და მონა ლიზას ტყვიაგაუმტარი მინის გატეხვა სცადა. შემდეგ კი ტორტით დაიწყო მისი დათხუპვნა და თან ვარდებს აქეთ-იქით ყრიდა, სანამ დაცვამ არ დააკავა“.

როგორც გამოცემა წერს, მამაკაცს ამ აქტით სურდა საზოგადოების ყურადღება ეკოლოგიურ პრობლემებზე გაემახვილებინა. თავდასხმის დროს ის ხალხს „პლანეტის დაცვისკენ“ მოუწოდებდა.
საბედნიეროდ, ვანდალმა შედევრის დაზიანება ვერ მოახერხა. თავდამსხმელი პოლიციამ დააკავა.
აღსანიშნავია, რომ მსგავსი ინციდენტი „მონა ლიზასთან“ დაკავშირებით 2009 წელსაც მოხდა, როდესაც რუსეთის მოქალაქე ქალმა და ვინჩის ტილოს ჩაით სავსე ფინჯანი ესროლა. როგორც მან მოგვიანებით განმარტა, გაბრაზებული იყო იმის გამო, რომ საფრანგეთის მოქალაქეობაზე უარი უთხრეს.
wyaro: Daily Wire
ყველა ახალი ამბავი
0