საქართველოს კულტურული ცენტრი წმინდა მიწაზე: პრემიერი იორდანიაში გაემგზავრა

© Government of Georgiaირაკლი ღარიბაშვილი
ირაკლი ღარიბაშვილი - Sputnik საქართველო, 1920, 28.05.2022
გამოწერა
Yandex newsTelegram
მდინარე იორდანესთან ქართული კულტურული ცენტრი აშენდება
თბილისი, 28 მაისი – Sputnik. საქართველოს პრემიერ-მინისტრი ირაკლი ღარიბაშვილი ორდღიანი ვიზიტით იორდანიის ჰაშიმიტურ სამეფოში გაემგზავრა, სადაც საქართველოსთვის მდინარე იორდანესთან მიწის გადაცემასთან დაკავშირებულ ოფიციალურ ცერემონიაში მიიღებს მონაწილეობას.
საქართველოსთვის მდინარე იორდანესთან 4 ათასი კვადრატული მეტრი ფართობის მიწის გადაცემის შესახებ გახდა ცნობილი 19 იანვარს , როდესაც მართლმადიდებელი სამყარო უფლის ნათლისღებას აღნიშნავს.
იორდანიის მეფე აბდალა მეორის და პრინც ღაზის გადაწყვეტილებით, საქართველოს გადაეცა მიწა მდინარე იორდანესთან, მაცხოვრის ნათლობის ადგილზე. საქართველოს კათოლიკოს-პატრიარქ ილია მეორის კურთხევით, ამ ადგილზე ქართული კულტურის ცენტრი აშენდება.
ვიზიტის ფარგლებში დაგეგმილია პრემიერ-მინისტრის შეხვედრები სამეფოს პირველ პირებთან.
საქართველომ და იორდანიამ დიპლომატიური ურთიერთობა 1994 წლის 6 აპრილს დაამყარეს. საქართველოს საელჩო სამეფოში 2004 წელს გაიხსნა. ქვეყნები აქტიურად თანამშრომლობენ ეკონომიკის, კულტურის, განათლებისა და ტურიზმის სფეროებში.
წყარო - მთავრობის პრესსამსახური
ყველა ახალი ამბავი
0