ნიკოლოზ ბასილაშვილი საფრანგეთის ღია პირველობას გამოეთიშა

© AFP 2022 / GLYN KIRKნიკოლოზ ბასილაშვილი
ნიკოლოზ ბასილაშვილი - Sputnik საქართველო, 1920, 27.05.2022
გამოწერა
Yandex newsTelegram
ქართველმა ჩოგბურთელმა „როლან გაროსის" პირველ წრეში ამერიკელი მაქსიმ კრესი დაამარცხა, მაგრამ მეორე წრე ვეღარ გაიარა.
თბილისი, 27 მაისი – Sputnik. ქართველი ჩოგბურთელი ნიკოლოზ ბასილაშვილი საფრანგეთის ღია პირველობას მეორე წრიდან გამოეთიშა.
„დიდი სლემის“ სერიის ტურნირზე - „როლან გაროსზე“ 22-ე ნომრად განთესილი საქართველოს პირველი ჩოგანი მეორე წრის შეხვედრაში ამერიკელ მაკენზი მაკდონალდთან სამ სეტში ანგარიშით 3:6, 0:6, 4:6 დამარცხდა.
ნიკოლოზ ბასილაშვილმა ორი წაგებული სეტის შემდეგ ბრეიკი შეასრულა და თამაშში დარჩენა სცადა, თუმცა მაკდონალდმა ქართველი ჩოგბურთელის ჩაწოდებაზე ორჯერ მოიგო და საბოლოო ანგარიშიც დააფიქსირა.
ბასილაშვილმა მატჩი 3 ეისითა და 6 ორმაგი შეცდომით დაასრულა. 33 გათამაშება მოიგო და 52 უნებლიე შეცდომა დაუშვა. ქართველმა ჩოგბურთელმა 6 ბრეიკ-პოინტიდან 2 გამოიყენა, თავად კი ჩაწოდება 7-ჯერ დათმო.
ქართველი ჩოგბურთელი „როლან გაროსის" პირველ წრეში ამერიკელ მაქსიმ კრესის შეხვდა. საქართველოს პირველმა ჩოგანმა მასთან შეხვედრაში პირველი ორი სეტი დათმო, მაგრამ საბოლოოდ ანგარიშით 3:6, 2:6, 7:6, 6:4, 6:4 იმარჯვა.
ყველა ახალი ამბავი
0