მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

აბრამოვიჩს „ჩელსი“ წაართვეს: ბრიტანეთის მთავრობა კლუბის გაყიდვას დათანხმდა

© photo: Sputnik / Ekaterina Chesnokova / ფოტობანკში გადასვლარომან აბრამოვიჩი
რომან აბრამოვიჩი - Sputnik საქართველო, 1920, 25.05.2022
გამოწერა
Yandex newsTelegram
თბილისი, 25 მაისი − Sputnik. დიდი ბრიტანეთის მთავრობამ თანხმობა განაცხადა საფეხბურთო კლუბ „ჩელსის“ გაყიდვაზე, რომელიც მანამდე რუს მილიარდერ რომან აბრამოვიჩს ეკუთვნოდა, იუწყება ტელეარხი Sky News.
კლუბს ამერიკელი ბიზნესმენის ტოდ ბოელის კონსორციუმი გადაიბარებს.
ტელეარხის ცნობით, ბრიტანეთის მთავრობა დარწმუნდა, რომ „ჩელსის“ გაყიდვიდან შემოსული თანხა აბრამოვიჩამდე არ მიაღწევს და ის უკრაინის ჰუმანიტარულ დახმარებას მოხმარდება.

„დღევანდელი აქცია უზრუნველყოფს ამ მნიშვნელოვანი კულტურული აქტივის მომავალს და დაიცავს გულშემატკივრებსა და მთლიანად საფეხბურთო საზოგადოებას. ჩვენ შესაბამის საერთაშორისო პარტნიორებთან ერთად განვიხილეთ აუცილებელი ლიცენზიები და მადლობას ვუხდით მათ თანამშრომლობისთვის“, − განაცხადა ციფრული ტექნოლოგიების, კულტურის, მედიისა და სპორტის მინისტრმა ნადინ დორისმა.

7 მაისს „ჩელსის“ პრეს-სამსახურმა გაავრცელა ინფორმაცია, რომ ხელმძღვანელობამ შეათანხმა კლუბის 5 მილიონ ევროდ მიყიდვა ბოელის კონსორციუმისთვის, რომელიც ასევე „ლოს-ანჯელეს დოჯერსის“ თანამფლობელია.
აბრამოვიჩმა, რომელსაც დიდმა ბრიტანეთმა სანქციები დაუწესა, 2 მარტს განაცხადა, რომ „ჩელსის“ გაყიდვას აპირებს, რომელსაც ის 2003 წლიდან ფლობდა. აღნიშნული შეზღუდვები მოიცავს აქტივების სრულ გაყინვას, ასევე ქვეყანაში შესვლის აკრძალვას.
ყველა ახალი ამბავი
0