როინ მებონიას ავტობუსში ცოლის მკვლელობის ფაქტზე ბრალი წარედგინა

© photo: Sputnik / Stringerსაქრთველოს პროკურატურა
საქრთველოს პროკურატურა - Sputnik საქართველო, 1920, 22.05.2022
გამოწერა
Yandex newsTelegram
ბრალის დამტკიცების შემთხვევაში მებონიას 16-დან 20 წლამდე ან უვადო თავისუფლების აღკვეთა ემუქრება.
თბილისი, 22 მაისი – Sputnik. თბილისში, საზოგადოებრივ ტრანსპორტში მეუღლის განზრახ მკვლელობის ფაქტზე საქართველოს პროკურატურამ როინ მებონიას ბრალი წარუდგინა, აღნიშნულია უწყების მიერ გავრცელებულ ინფორმაციაში.
გამოძიებით დადგინდა, რომ 21 მაისს, გურამიშვილის გამზირზე მოძრავ საზოგადოებრივ ტრანსპორტში, როინ მებონიამ მეუღლეს სოფო კვარაცხელიას არასრულწლოვანი შვილების თანდასწრებით ცივი იარაღით სხეულის სხვადასხვა ადგილზე მრავლობითი დაზიანებები მიაყენა. მიყენებული დაზიანებების შედეგად ქალი ადგილზე გარდაიცვალა.
სამართალდამცველებმა ბრალდებული შემთხვევის ადგილის მიმდებარედ იმავე დღეს დააკავეს. მას ბრალდება საქართველოს სისხლის სამართლის კოდექსის 11 პრიმა-109-ე მუხლის მე-2 ნაწილის „ვ“ და მე-3 ნაწილის „ბ“ ქვეპუნქტით (ოჯახის წევრის მიმართ განსაკუთრებული სისასტიკით ჩადენილი განზრახ მკვლელობა) წარედგინა.
ბრალის დამტკიცების შემთხვევაში მებონიას 16-დან 20 წლამდე ან უვადო თავისუფლების აღკვეთა ემუქრება.
პროკურატურა ბრალდებულის მიმართ აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს.
ადვოკატ სულხან კომახიძის ცნობით, მისი დაცვის ქვეშ მყოფი ბრალდებას არ უარყოფს და ნანობს დანაშაულს.
„ძალიან ცუდ დღეშია, ჯანმრთელობის მდგომარეობა აქვს მძიმე, მანამდეც გადიოდა მკურნალობას, ჰქონდა შესაბამისი მედიკამენტები დანიშნული, რომელსაც ბოლო პერიოდის განმავლობაში არ იღებდა. ამ ეტაპზე დანაშაულის მოტივი დაუდგენელია, ფაქტებს ვერ იხსენებს და რა მოხდა, იმის გადმოცემა სრულყოფილად არ შეუძლია“, - განაცხადა ბრალდებულის ადვოკატმა.
ადვოკატის თქმით, საქმეში დევს მუნიციპალური ტრანსპორტის სათვალთვალო კამერის ჩანაწერები, არსებობს თვითმხილველის მასალაც.
„ჯერ მასალები არ მინახავს, ახლა გადმომეცა. ექსპერტიზის ჩატარება მნიშვნელოვანია, რომ გაირკვეს, ადამიანი აცნობიერებდა თუ არა რის ჩადენაშიც ედება ბრალი. დიდი ალბათობით, ამის გაცნობიერების უნარი მას არ ჰქონდა მისი ჯანმრთელობიდან გამომდინარე“, – განაცხადა ადვოკატმა სულხან კომახიძემ.
„არ მომიკლა დედა": თბილისში მომხდარ საზარელ მკვლელობას რამდენიმე ქალაქში გამოეხმაურნენ >>
რაც შეეხება სასამართლოზე აღკვეთის ღონისძიების საკითხს, ადვოკატის თქმით, ბრალდებული მისი პატიმრობიდან გათავისუფლებას არ ითხოვს.
წყარო - საქართველოს პროკურატურა
ყველა ახალი ამბავი
0