მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„ეს უსამართლობაა, მეგობრებო“: რა შესთავაზა პოლონეთმა ნორვეგიას

© photo: Sputnik / Alexei Vitvitskiy / გადასვლა მედიაბანკშიმათეუშ მორავეცკი
მათეუშ მორავეცკი - Sputnik საქართველო, 1920, 22.05.2022
გამოწერა
მორავიეცკი უსამართლობად მიიჩნევს იმას, რომ ხუთმილიონიანი ნორვეგია ნავთობისა და გაზის გაყიდვიდან უზარმაზარ მოგებას იღებს.
თბილისი, 22 მაისი – Sputnik. ნორვეგიამ ნავთობისა და გაზის გაყიდვიდან მიღებული მოგება უკრაინას უნდა გაუზიაროს, განაცხადა პოლონეთის პრემიერ-მინისტრმა მატეუშ მორავიეცკიმ.
„ნორვეგიის დამატებითი მოგება ნავთობიდან და გაზიდან 100 მილიარდ ევროს გადააჭარბებს. ეს არის არაპირდაპირი მოგება პუტინის მიერ წამოწყებული ომიდან", - განაცხადა მორავიეცკიმ კვირას პოლონელ ახალგაზრდებთან შეხვედრაზე.
მისი აზრით, ნორვეგიამ „დაუყოვნებლივ უნდა გაიუზიაროს“ უკრაინას ნავთობისა და გაზის გაყიდვიდან მიღებული ზედმეტი მოგება. მორავიეცკიმ ენერგომატარებლებიდან დამატებითი მოგების მიღება მათზე ფასების ზრდის ფონზე „პუტინის მიერ პროვოცირებულ ომზე გამდიდრებად“ შეაფასა.

„ძვირფასო ნორვეგიელო მეგობრებო, ეს უსამართლობაა“, - აღნიშნა მან.

მორავიეცკის სიტყვებს ზოგიერთი პოლონელი პოლიტიკოსის მხრიდან ირონია მოყვა.
24 თებერვალს რუსეთმა „სამხედრო სპეცოპერაცია“ წამოიწყო უკრაინის „დემილიტარიზაციისა და დენაციფიკაციის მიზნით“. ამის საპასუხოდ დასავლეთის ქვეყნებმა მოსკოვის წინააღმდეგ ფართომასშტაბიანი სანქციები გამოაცხადეს, რომელთა დაწესება ამ დრომდე მიმდინარეობს.
ყველა ახალი ამბავი
0