თბილისში მტკვრის დონე დაიწევს

© photo: Sputnik / Stringerდაკლებული მტკვარი
დაკლებული მტკვარი - Sputnik საქართველო, 1920, 21.05.2022
გამოწერა
Yandex newsTelegram
გეგმური გარეცხვითი სამუშაოების მიზანია წყალსაცავების სასარგებლო მოცულობის შენარჩუნება.
თბილისი, 21 მაისი — Sputnik. კომპანია „ეპ ჯორჯია გენერაცია“ ზაჰესისა და ორთაჭალჰესის წყალსაცავებზე გეგმურ გარეცხვით სამუშაოებს აწარმოებს.
კომპანიის ინფორმაციით, 21 მაისიდან 23 მაისის ჩათვლით, თბილისში მტკვრის დონე დაიწევს და ბუნებრივ ნიშნულს დაუბრუნდება.
„აღნიშნული სამუშაოები ყველა უსაფრთხო ნორმის დაცვით განხორციელდება, რომელიც შეთანხმებულია საქართველოს სახელმწიფო ელექტროსისტემასთან და გარემოს ეროვნულ სააგენტოსთან“, – განაცხადა „ეპ ჯორჯია გენერაციის“ დირექტორთა საბჭოს წევრმა ლევან საჩალელმა.
ამასთან, როგორც კომპანიაში აცხადებენ, სამი დღის განმავლობაში, გარეცხვითი სამუშაოების ფარგლებში, მოხდება წყალსაცავებზე დაგროვილი ნაგვის გატანა-გაწმენდა.
სამუშაოების მიმდინარეობისას სამი დღის განმავლობაში გაჩერდება ზაჰესი, ხოლო ორი დღის განმავლობაში - ორთჭალჰესი.
ყველა ახალი ამბავი
0