პოლონეთში სამუშაოდ წასული ქართველები სექსუალური ძალადობის ბრალდებით დააკავეს

© AP Photo / Czarek Sokolowskiპოლონეთის პოლიცია
პოლონეთის პოლიცია - Sputnik საქართველო, 1920, 20.05.2022
გამოწერა
Yandex newsTelegram
ტელეკომპანია „რუსთავი 2“-ის ინფორმაციით, დაკავებულებს შორის არიან 25 და 27 წლის მამაკაცები ქალაქ რუსთავიდან.
თბილისი, 20 მაისი — Sputnik. პოლონეთის დედაქალაქ ვარშავაში სექსუალური ძალადობის ბრალდებით ქართველები დააკავეს. ინფორმაციას ტელეკომპანია „რუსთავი 2“ ავრცელებს.
ტელეკომპანიის ცნობით, ბოლო რამდენიმე თვეში ქვეყანაში იდენტიფიცირებულია გაუპატიურების 20 შემთხვევა, საიდანაც ექვსში საქართველოს მოქალაქეები ფიგურირებენ. როგორც ირკვევა, ძალადობის ასაკით ყველაზე პატარა მსხვერპლი 16 წლის გოგონაა.
გამოძიებით დადგინდა, რომ Bolt-ის და Uber-ის აპლიკაციით გამოძახებულ ტაქსის მძღოლებს მგზავრი დანიშნულების ადგილის ნაცვლად წინასწარ შერჩეულ ტერიტორიაზე მიჰყავდათ, სადაც მათ დანახვას, სავარაუდოდ, ვერავინ შეძლებდა. სწორედ ამ სქემით მოქმედებდა საქართველოდან პოლონეთში სამუშაოდ წასული ქართველების ერთი ჯგუფი.
ტელეკომპანიის ინფორმაციით, დაკავებულებს შორისაა 25 და 27 წლის ორი მამაკაცი რუსთავიდან. მეზობლები ადასტურებენ, რომ ახალგაზრდები პოლონეთში სამუშაოდ წავიდნენ.
ქართველების გარდა, მრავალტომიან საქმეში ფიგურირებენ ტაჯიკეთის, თურქმენეთისა და უზბეკეთის მოქალაქეებიც. პოლონელი სამართალდამცველები არ გამორიცხავენ, რომ ბრალდებულთა წრე კიდევ უფრო გაფართოვდეს.
როგორც ირკვევა, პოლონეთში გახშირებული სექსუალური ძალადობის შემთხვევების გამო სეიმში უკვე დარეგისტრირდა ინიციატივა, რომელიც სექსუალური ძალადობის ფაქტებზე სასჯელის გამკაცრებას ითვალისწინებს.
ამ დროისათვის ვარშავაში დაკავებული ქართველები წინასწარ პატიმრობაში იმყოფებიან და მალე სასამართლოში მათი საქმის არსებითი განხილვა დაიწყება.
მოძალადე ტაქსის მძღოლების საქმეზე ერთობლივ გამოძიებას განაგრძობენ ვარშავის პოლიცია და პროკურატურა.
წყარო: რუსთავი 2
ყველა ახალი ამბავი
0