„ეს არის სიმართლე, მაგრამ თვალი არ გვეცეს“ - მამულიჩა ლელა წურწუმიაზე
16:12 18.05.2022 (განახლებულია: 21:37 18.05.2022)
© courtesy of Kakhi Mamulashvili
გამოწერა
ლელა წურწუმია და მამულიჩა საზოგადოებაში პოპულარული წყვილია.
კახა მამულაშვილი ფულისა და, ზოგადად, შემოსავლების თემაზე ჟურნალ „თბილისელების“ კითხვებს პასუხობს და აღნიშნავს, რომ ყველაზე მეტად ფულის ხარჯვა მეგობრების წრეში უყვარს.
„მე ეს მანიჭებს უფრო დიდ სიამოვნებას, ვიდრე ფულის შოვნა და სახლში დადება. შემგროვებელი არც მე ვარ და არც ლელაა, მაგრამ მე ლელაზე უფრო მობილიზებული ვარ. თუ ვიტყვი, რომ სახლში ან ბანკში ფული გვიდევს, მოვიტყუები, მაგრამ, ღმერთის წყალობით, ნორმალურად ვცხოვრობთ და საწუწუნოც არაფერი გვაქვს. მთავარია, სიმშვიდე იყოს, ჯანმრთელობა და ჩვენი საქმის კეთების საშუალება გვქონდეს, ჩვენ ბევრს ვიმუშავებთ“, – ამბობს პროდიუსერი.
მისი თქმით, საუკეთესო დაბანდება მისთვის მისი მეუღლეა:
„ჩემი საუკეთესო დაბანდება ლელა წურწუმიაა (იცინის). ეს არის სიმართლე, მაგრამ თვალი არ გვეცეს. სხვათა შორის, მჯერა ეგეთი რაღაცების და ზედმეტ ლაპარაკს ვერიდები. ასე რომ, ჩვენც და აბსოლუტურად ყველას – წარმატებები თავის საქმეში“.
