რუსთავში მხატვრებს ღია ცის ქვეშ საკუთარი საგამოფენო სივრცე ექნებათ

© photo: Sputnikსკვერი რუსთავში
სკვერი რუსთავში - Sputnik საქართველო, 1920, 15.05.2022
გამოწერა
უშუალოდ საგამოფენო სივრცეში მონოლითური რკინა-ბეტონის კონსტრუქციები და ტენტით გადახურული საგამოფენო სტენდები დამონტაჟდება.
თბილისი, 15 მაისი – Sputnik. რუსთავში, ცურტაველის მოედნის მიმდებარედ, მხატვრებისთვის ღია საგამოფენო სივრცის მოწყობა მიმდინარეობს, იუწყება ქალაქის მერია.
პროექტის ღირებულება 334.439 ლარს შეადგენს, ხოლო რეალიზაციის ვადა - 120 კალენდარულ დღეს.
„დღეს ახალი პროექტის განხორციელება დავიწყეთ და ძალიან მალე რუსთაველი ხელოვანი ადამიანებისთვის თანამედროვე ღია საგამოფენო სივრცე შეიქმნება, სადაც ისინი საკუთარი ნამუშევრების წარმოდგენას შეძლებენ“, - განუცხადა ჟურნალისტებს რუსთავის მერმა ნინო ლაცაბიძემ.
ქალაქის მერის თქმით, ქალაქში რეკრეაციული სივრცეების განვითარება ისევ პრიორიტეტად რჩება.
პროექტის ფარგლებში რეკრეაციულ ზონაში საფეხმავლო ბილიკები, გაზონები, სარწყავი სისტემა, გარე განათება, დასასვენებელი სკამები მოეწყობა. უშუალოდ საგამოფენო სივრცეში მონოლითური რკინა-ბეტონის კონსტრუქციები და ტენტით გადახურული საგამოფენო სტენდები დამონტაჟდება.
„ჩვენს ქალაქს კიდევ ერთი ლამაზი სკვერი შეემატება. ეს იქნება საგამოფენო სკვერი, სადაც სპეციალური სტენდები განთავსდება, საკმაოდ მაღალი ხარისხის ფილაქანი მოეწყობა. ტერიტორია გაზონებით გამწვანებული იქნება“, - განაცხადა რუსთავის მთავარმა არქიტექტორმა, კობა ძლიერიშვილმა.
გარდა ამისა, დამთვალიერებლები სკვერის ტერიტორიაზე უფასო ინტერნეტით ისარგებლებენ, ვანდალიზმის ფაქტების პრევენციის მიზნით კი ვიდეოკამერები დამონტაჟდება.
ყველა ახალი ამბავი
0