ოპოზიცია შეეცდება ჩამოართვას მთავრობას გარკვეული უფლებამოსილება: ახალი კანონპროექტი

© photo: Sputnik / Stringerსაპროტესტო აქცია პარლამენტთან
საპროტესტო აქცია პარლამენტთან - Sputnik საქართველო, 1920, 15.05.2022
გამოწერა
Yandex newsTelegram
პანდემიასთან დაკავშირებული ეპიდემიოლოგიური სიტუაციის სამართავად მთავრობის სპეციალური უფლებამოსილებების მოქმედების ვადა 2023 წლის 1 იანვრამდე გაგრძელდა.
თბილისი, 15 მაისი– Sputnik. ოპოზიციური პარტია „ლელომ“ მოამზადა კანონპროექტი, რომლითაც „საზოგადოებრივი ჯანმრთელობის“ შესახებ კანონის გაუქმებას ითხოვს. კანონპროექტი პარლამენტის ბიუროს სხდომაზე ორშაბათს წარედგინება.
„საზოგადოებრივი ჯანმრთელობის“ შესახებ კანონი მთავრობას პანდემიის პერიოდში გარკვეულ უფლებამოსილებას ანიჭებდა.
კანონპროექტის ავტორები აცხადებენ, რომ 2020 წლიდან დღემდე, კორონავირუსის მართვის მოტივით, მთავრობა გადაწყვეტილებებს არაკონსტიტუციურად იღებს, ხოლო პარლამენტმა უარი განაცხადა მისთვის კონსტიტუციით დადგენილი ერთ-ერთი უმთავრესი ფუნქციის განხორციელებაზე – საპარლამენტო კონტროლზე და გადაწყვეტილების მიღებისა და აღსრულების უფლება მთავრობას გადასცა.
„ორ წელზე მეტია, პანდემიის მართვასთან დაკავშირებული უმნიშვნელოვანესი გადაწყვეტილებები მიიღება არაკონსტიტუციური პროცედურების შესაბამისად. დღემდე დაუდგენელია, რის საფუძველზე მოქმედებს ე.წ. საკოორდინაციო საბჭო და რა დასაბუთებით ხდება შეზღუდვების დაწესება თუ მოხსნა“, – აღნიშნულია პროექტში.
პარლამენტმა „საზოგადოებრივი ჯანმრთელობის“ შესახებ კანონი 2020 წელს კორონავირუსის პანდემიის საპასუხოდ მიიღო და მთავრობას გარკვეული უფლებამოსილებების განხორციელების უფლება მისცა.
პანდემიასთან დაკავშირებული ეპიდემიოლოგიური სიტუაციის სამართავად მთავრობის სპეციალური უფლებამოსილებების მოქმედების ვადა 2023 წლის 1 იანვრამდე გაგრძელდა.
ყველა ახალი ამბავი
0