შეტაკებები და ქუჩების დარბევა: ხანგრძლივი პროტესტი შრი-ლანკაზე - ფოტო

მაჰენდრა რაჯაპაკსას გადადგომის შემდეგ ათასობით ადამიანი გამოვიდა ქუჩაში

თავდაპირველად მოსახლეობა პრემიერ-მინისტრის გადადგომას ზეიმობდა, თუმცა მალე ზეიმი ძალადობაში გადაიზარდა

პროტესტის მონაწილეები მთავრობის მაღალჩინოსნებს ესხმოდნენ თავს

დემონსტრანტები ცეცხლს უკიდებდნენ სახლებს, მაღაზიებს და კომპანიების შენობებს, რომლებიც ეკუთვნოდათ მმართველი პარტიის წევრებს ან მათ ნათესავებს

პოლიციამ წყლის ჭავლი და ცრემლსადენი გაზი გამოიყენა

თუმცა პროტესტის მონაწილეების დაშოშმინება და ლოკალიზება ვერ მოახერხეს

ამასთან დაკავშირებით პოლიციასა და არმიას უფლებები დაემატათ

ახლა პოლიციას უფლება აქვს დააკავოს და დაკითხოს ადამიანები დაკავების ორდერის გარეშე, ასევე გაჩხრიკოს კერძო საკუთრება და ავტომობილები

ასევე, უსაფრთხოების მიზნით, ქვეყანაში გაურკვეველი ვადით ამოქმედდა კომენდანტის საათი

ვნებათაღელვა შედარებით შემცირდა, თუმცა ქუჩები სავსეა შუშების ნამსხვრევებით და სხვადასხვა საგნებით. ახლა ამ ტერიტორიას სამხედრო მოსამსახურეები აკონტროლებენ