საქართველოში ტოქსიკური პოლიტიკური გარემოა - ექსპერტი

© photo: Sputnik / Stringer„ქართული ოცნების" აქცია
„ქართული ოცნების აქცია - Sputnik საქართველო, 1920, 13.05.2022
გამოწერა
Yandex newsTelegram
ტოქსიკურობა ვლინდება ოპოზიციასა და ხელისუფლებას შორის განსაკუთრებით მწვავე დაპირისპირებაში, დააზუსტა გია ნოდიამ.
თბილისი, 13 მაისი – Sputnik. საქართველოში ძალზე ტოქსიკური პოლიტიკური გარემოა და ბოლო ორი წელია ქვეყანა ქრონიკული პოლიტიკური კრიზისის მდგომარეობაში ცხოვრობს, მიიჩნევს პოლიტოლოგი გია ნოდია.
საქართველოში პოლარიზაცია ყოველ ახალ არჩევნებთან ერთად იზრდება. ოპოზიციაც და მმართველი პარტია „ქართული ოცნებაც“ საუბრობენ, რომ მნიშვნელოვანია კონფრონტაციის დამთავრება, მაგრამ ამავე დროს ურთიერთბრალდებებს ბოლო არ უჩანს.

„ჩვენ გვაქვს ტოქსიკური, მოწამლული გარემო, რაც გამოიხატება განსაკუთრებით მძაფრ დაპირისპირებაში ხელისუფლებასა და ოპოზიციას შორის. ხელისუფლება პრაქტიკულად არ ცნობს ოპოზიციის ლეგიტიმურობას, მაგრამ ოპოზიციაც ფაქტობრივად არ ცნობს ხელისუფლების ლეგიტიმურობას. ეს არანორმალური მდგომარეობაა“, – განაცხადა ნოდიამ.

მუდმივად ერთი სკანდალიდან მეორემდე ვცხოვრობთ, რაც საზოგადოების თვალში ამცირებს ხელისუფლების ეფექტიანობას, ნდობას პოლიტიკური კლასის მიმართ მთლიანობაში, განაცხადა პოლიტოლოგმა.
„ორი წელია დაახლოებით ქრონიკული პოლიტიკური კრიზისის ვითარებაში ვცხოვრობთ. სულ რაღაცნაირი კრიზისია, ნორმაში, კალაპოტში ვერ ჩავდექით. ეს ძალიან ცუდია ქვეყნისთვის, ხალხისთვის, მოსახლეობისთვის... სამწუხაროდ, არც ის ჩანს, როგორ უნდა გამოვიდეთ ამ ვითარებიდან“, – აღნიშნა ნოდიამ.
დაძაბული ურთიერთობები ოპოზიციასა და მმართველ ძალას შორის განსაკუთრებით გამწვავდა უკრაინაში მიმდინარე მოვლენების ფონზე. ოპოზიცია მკვეთრად აკრიტიკებს „ქართულ ოცნებას“, რომ საქართველო არ შეუერთდა რუსეთის წინააღმდეგ სანქციებს. უფრო მეტიც, ის ხელისუფლებას დასავლური სანქციების თავიდან არიდებაში რუსეთის დახმარებაში ადანაშაულებს.
ყველა ახალი ამბავი
0