სამედიცინო შეცდომა: 2022 წლის დასაწყისიდან რამდენ ექიმს შეუჩერდა ლიცენზია?

© AP Photo / Alessandra Tarantinoპაციენტი კლინიკაში
პაციენტი კლინიკაში - Sputnik საქართველო, 1920, 12.05.2022
გამოწერა
Yandex newsTelegram
აზარაშვილის განცხადებით, საექთნო პროფესიის გაძლიერება და ექიმების პროფესიული განვითარების სისტემის ფორმირება ჯანდაცვის ახალი სტრატეგიის მთავარი პრიორიტეტებია.
თბილისი, 12 მაისი — Sputnik. საქართველოს ექიმთა პროფესიულმა საბჭომ 2022 წლის დასაწყისიდან ოთხ ექიმს უვადოდ შეუჩერა პროფესიული საქმიანობა, განაცხადა ჯანდაცვის მინისტრმა ზურაბ აზარაშვილმა.
წელს, საბჭომ 121 ექიმის პროფესიული პასუხისმგებლობის საკითხი დააყენა. სხვადასხვა ვადით, სერტიფიკატის შეჩერება და დამატებითი ტრენინგის გავლა დაეკისრა 27 ექიმს, ხოლო წერილობითი გაფრთხილება მიეცა 62 ექიმს.
აზარაშვილის განცხადებით, პაციენტების საჩივრებზე სწრაფი და ობიექტური რეაგირებისთვის, 2022 წელს განახლებული სახით ჩამოყალიბდა ექიმთა პროფესიული განვითარების საბჭო. კიდევ უფრო ინტენსიური გახდა მისი მუშაობის რეჟიმი, რათა დროულად მოხდეს პაციენტების ყველა საჩივრის შესწავლა.
ჯანდაცვის მინისტრმა ასევე ყურადღება გაამახვილა მედპერსონალის განვითარების სტრატეგიაზე.
„ბევრი სამედიცინო დისციპლინის მიმართულებით აუცილებელია ახალგაზრდა კადრის დაინტერესება და მოზიდვა, რათა ქვეყანა არ დადგეს საექიმო სპეციალობების „დაბერების“ რისკების წინაშე“, - აღნიშნა აზარაშვილმა.
მისი თქმით, სამედიცინო მომსახურების ხარისხის უზრუნველსაყოფად, ამ ეტაპზე მიმდინარეობს სამედიცინო და ფარმაცევტული საქმიანობის რეგულირების სააგენტოს სტრუქტურული რეორგანიზაცია.
ყველა ახალი ამბავი
0