„თვითონ არ ვუდგავარ საკუთარ თავს გვერდით ისე, როგორც ჩემი მეუღლე მიდგას“ - მაკა ზამბახიძე

„მიხეილის ძალიან მადლობელი ვარ. ისე მიდგას გვერდით, მეტი რომ არ შეიძლება. თვითონ არ ვუდგავარ საკუთარ თავს გვერდით ისე, როგორც მიხეილი მიდგას. ამას საკუთარი სურვილითა და დიდი სიყვარულით აკეთებს. მოსწონს ჩვენი შემოქმედება და, სხვათა შორის, სულ გვეჩხუბება, ახალი სიმღერები გააკეთეთო. ცოტა თუ გვეწელება, ნერვები ეშლება, ძალიან ჩართულია ამ პროცესში“, – ამბობს მაკა.

„ძალიან მინდა, რომ კეთილი, სამართლიანი და მოსიყვარულე ბიჭი იყოს. უზომოდ მინდა, რომ სმენა ჰქონდეს. ჩემს პროფესიას გაჰყვება თუ არა, ამაზე არ ვფიქრობ, უბრალოდ მინდა მღეროდეს. მიყვარს, როცა ადამიანი მღერის. ჩემი მეუღლე დარდობს ხოლმე, ნეტა სმენა მქონოდაო“, – ამბობს მაკა ზამბახიძე.