9 მაისს თბილისში „გამოფენა ევროპა 2022“ გაიმართება

© photo: Sputnik / Stringerდედაენის ბაღი
დედაენის ბაღი - Sputnik საქართველო, 1920, 08.05.2022
გამოწერა
Yandex newsTelegram
გამოფენა ევროპის დღეს უკავშირდება და ევროპის ახალგაზრდობის წლის ფარგლებში ჩატარდება.
თბილისი, 8 მაისი – Sputnik. 9 მაისს დედაენის ბაღში ღონისძიება „გამოფენა ევროპა 2022“ ჩატარდება.
გამოფენა ტარდება თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურისა და თბილისის ახალგაზრდული ცენტრების გაერთიანების მხარდაჭერით, ასევე, Erasmus+ საინფორმაციო ცენტრი საქართველოში და ევროპის სოლიდარობის კორპუსის ორგანიზებით.
დედაქალაქის მერიის ინფორმაციით, გამოფენა ევროპის დღის აღნიშვნას ეძღვნება და ევროპის ახალგაზრდობის წლის ფარგლებში ჩატარდება. ღონისძიებაზე გაიმართება საინფორმაციო სესიები და სემინარები. გამოფენაზე მისული სტუმრები ცოცხალ მუსიკას მოუსმენენ.
„პროექტის ფარგლებში წარმოდგენილი იქნება შესაძლებლობები, რომელსაც Erasmus+ და ევროპის სოლიდარობის კორპუსი სასწავლო მობილობის, სტაჟირებისა და მოხალისეობის კუთხით სთავაზობს ქართველ ახალგაზრდებს ევროკავშირის ქვეყნებში“, -აღნიშნავენ მერიაში.
უწყების ინფორმაციით, 20:00 საათზე სცენას ალტერნატიული ჰიპ-ჰოპ ბენდი Killages-ს დაიკავებს.
9 მაისს ევროკავშირი და მისი წევრი სახელმწიფოები ევროპის დღეს ზეიმობენ, რომელიც ევროპაში მშვიდობასა და ერთობას აღნიშნავს. ევროპის დღეები საქართველოში ევროკავშირის წარმომადგენლობისა და ევროკავშირის ქვეყნების საელჩოების ორგანიზებით ტარდება.
ყველა ახალი ამბავი
0