მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

აფეთქება ჰავანაში: დაღუპულთა რიცხვი 32-მდე გაიზარდა

© photo: Sputnik / Asatur Yesayantsსამედიცინო ცენტრი
სამედიცინო ცენტრი - Sputnik საქართველო, 1920, 07.05.2022
გამოწერა
Yandex newsTelegram
სასტუმრო Saratoga-ში გაზის აფეთქება 6 მაისს მოხდა - აფეთქების ტალღამ შენობის ფასადი მეხუთე სართულამდე გაანადგურა.
თბილისი, 7 მაისი – Sputnik. ჰავანაში, სასტუმრო Saratoga-ში მომხდარი აფეთქების შედეგად დაღუპულთა რაოდენობა 32-მდე გაიზარდა, კიდევ 19 უგზო-უკვლოდ გამოცხადდა, განაცხადა რეგიონული წითელი ჯვრის წარმომადგენელმა გლორია ბონინმა.
მანამდე ვრცელდებოდა ინფორმაცია 25 დაღუპულისა და 60 ჰოსპიტალიზებულის შესახებ.
„წითელი ჯვრის პროვინციული ფრონტის ხელმძღვანელი საოჯახო კავშირების აღდგენის საკითხებში გლორია ბონინი იუწყება, რომ ამ დროისთვის არსებული სიით 19 ადამიანი უგზო-უკვლოდ დაკარგულად ითვლება, ხოლო 32 გარდაიცვალა“, - წერს სააგენტო Prensa Latina.
ექიმების ინფორმაციით, დედაქალაქის კლინიკებში სულ მცირე 44 ადამიანი რჩება, 10 კი გაწერეს.
სასტუმრო Saratoga-ში გაზის აფეთქება 6 მაისს მოხდა. აფეთქების ტალღამ შენობის ფასადი მეხუთე სართულამდე გაანადგურა. დაზიანდა მიმდებარე შენობები.
მომხდარის წინასწარი ვერსიაა - გაზგასამართი ცისტერნიდან საყოფაცხოვრებო გაზის გაჟონვა და აფეთქება.
ადგილობრივმა ხელისუფლებამ მომხდარს უბედური შემთხვევა უწოდა - სასტუმროს კონტრაქტორებს, რომლებიც პასუხისმგებელნი არიან გაზის აღჭურვილობის მუშაობაზე, საჭირო ნებართვები და ლიცენზიები ჰქონდათ.
სასტუმრო Saratoga, რომელიც ჰავანის კაპიტოლიუმის მოპირდაპირედ მდებარეობს, სარემონტო სამუშაოების გამო არ იყო შესახლებული. სასტუმროს გახსნა 10 მაისს იგეგმებოდა.
წყარო - სააგენტო Prensa Latina.
ყველა ახალი ამბავი
0