„ჩვენი ოჯახი ერთ პატარა მესიჯს შეეწირა“ - ხატია შამუგიას აღიარება
16:12 05.05.2022 (განახლებულია: 21:59 05.05.2022)
© courtesy of Khatia Shamugia
გამოწერა
რადიოწამყვანმა ქმართან დაშორებაზე ისაუბრა.
რადიოწამყვანმა ხატია შამუგიამ „ღამის პრაიმტაიმის“ ეთერში „ქუჩის ბიჭების“ წევრთან გურამიკო ლომიძესთან დანგრეული ოჯახის შესახებ ისაუბრა.
„თამამად ვიტყვი, რომ ძალიან ვარსკვლავი ქმარი მყავდა, ამიტომ რთული იყო – სადარბაზოში დაწერილი წარწერები, გოგონები, საჩუქრები. ამას მორალური სიძლიერე სჭირდება. ძალიან პატარები ვიყავით, როდესაც ოჯახი შევქმენით. ახლა მეცინება იმ ერთი პატარა მესიჯის გამო, რომელსაც ჩვენი ოჯახი შეეეწირა, თუმცა სწორი გადაწყვეტილება იყო“, – აღნიშნა ხატიამ.
მისი თქმით, ერთ შეცდომას მეორე მიემატება, მეორეს – მესამე და დასანგრევი ოჯახი მაინც დაინგრევა.
„ამ ქვეყანაზე, არ ვიცი, ვინ დადის გურამიკოზე ძვირფასი. ჩვენ სწორ დროს დავიშალეთ, სანამ მონასტერი ბოლომდე აირეოდა“, – ამბობს რადიოწამყვანი. წყვილს საერთო ვაჟი ნიკუშა ჰყავს, რომელიც ამჟამად ამერიკაში სწავლობს.
