„შავი ლომი“ პორტუგალიაში გაემგზავრა - 7 მაისს სუპერთასის ფინალია

© courtesy of Black Lion„შავი ლომი“
„შავი ლომი“ - Sputnik საქართველო, 1920, 05.05.2022
გამოწერა
Yandex newsTelegram
„შავი ლომი“ ევროპის სუპერთასის ფინალში პორტუგალიურ კლუბს დაუპირისპირდება. შეხვედრა 7 მაისს, თბილისის დროით 18:00 საათზე დაიწყება.
თბილისი, 5 მაისი – Sputnik. რაგბის პირველი ქართული ფრენჩაიზი „შავი ლომი“ პორტუგალიის დედაქალაქ ლისაბონში გაემგზავრა, სადაც 7 მაისს ევროპის სუპერთასის ფინალში ითამაშებს.
„შავი ლომი“ ფინალურ დაპირისპირებაში ადგილობრივ „ლუზიტანუშს“ შეხვდება. მატჩი თბილისის დროით 18:00 საათზე დაიწყება. პორტუგალიაში წასვლამდე ქართულმა გუნდმა შევარდენის ბაზაზე სამდღიანი შეკრება გაიარა.
„შავი ლომის“ მთავარი მწვრთნელი ლევან მაისაშვილი მომავალი მატჩისთვის პოზიტიურად არის განწყობილი. მაისაშვილის განცხადებით, ფინალისთვის მის განკარგულებაში მყოფი ყველა მოთამაშე სრულ მზადყოფნაშია.

„ფინალს ფსიქოლოგიურად განსხვავებული დატვირთვა აქვს და მზადებაც შესაბამისია. გამარჯვებას ის გუნდი მოიპოვებს, ვინც ნაკლებ შეცდომას დაუშვებს და ეს ბიჭებს კარგად აქვთ გააზრებული. მოწინააღმდეგე სწრაფი გუნდია. ისინი ეცდებიან თამაში ააჩქარონ და თავისი შანსი გამოიყენონ“, – განაცხადა მაისაშვილმა.

„შავი ლომის“ მომავალმა მეტოქემ, „ლუზიტანუშმა“ სუპერთასი დაუმარცხებლად განვლო და ჯგუფურ ეტაპზე ექვსივე თამაში მოიგო, ნახევარფინალში კი მათ ისრაელის წარმომადგენელ „თელავივ ჰითს“ ანგარიშით 42:26 სძლიეს. თავის მხრივ „შავმა ლომმა“ ნახევარფინალში ესპანური „იბერიანსი“ 43:40 დაამარცხა.
ყველა ახალი ამბავი
0