„მკაცრი მშობლები მყავდა და ფიქრადაც ვერ გავივლებდი...“ - რას ნანობს მაკა რაზმაძე
14:25 05.05.2022 (განახლებულია: 21:17 05.05.2022)
© courtesy of Maka Razmadze
გამოწერა
ტელეჟურნალისტი მაკა რაზმაძე ჟურნალ „სარკესთან“ ცხოვრების ყველაზე დიდ შეცდომას აღიარებს და ამბობს, რომ სულ ეგონა – ექნებოდა დიდი ოჯახი და ბევრი შვილი ეყოლებოდა, თუმცა სიყვარულში არ გაუმართლა და არც შვილი ჰყავს.
„ეს ჩემი ყველაზე დიდი შეცდომაა. ისეთ დროში გავიზარდე, როცა შვილის უქმროდ გაჩენა მიღებული არ იყო, საზოგადოების გაკიცხვას იმსახურებდა. მკაცრი მშობლები მყავდა და ფიქრადაც ვერ გავივლებდი მსგავს საქციელს. ჩემი უდიდესი პატივისცემა იმ ქალბატონებს, ვინც ამ ყველაფერს გადააბიჯეს და შვილი გააჩინეს. ისინი მართლაც გმირები არიან. ახლა ჩემთვის შვილის აყვანაც დაგვიანებულია, ასაკი არ მიწყობს ხელს და სახლიდანაც სულ გასული ვარ. თან, ბავშვს ყველა პირობა უნდა შეუქმნა, ახალგაზრდა მშობელი სჭირდება“, – ამბობს ჟურნალისტი.
