ტელეწამყვან ნიკოლოზ წულუკიძეს შვილის გარდაცვალების გამო უსამძიმრებენ

© photo: Sputnik / STRINGERკულტურის სამინისტრო
კულტურის სამინისტრო - Sputnik საქართველო, 1920, 04.05.2022
გამოწერა
Yandex newsTelegram
წულუკიძის შვილი უბედურ შემთხვევას ემსხვერპლა.
თბილისი, 4 მაისი — Sputnik. საქართველოს კულტურის, სპორტისა და ახალგაზრდობის სამინისტრო ტელეწამყვან ნიკოლოზ წულუკიძის შვილის ტრაგიკულად დაღუპვის გამო მწუხარებას გამოთქვამს.
წულუკიძეს წლინახევრის შვილი გუშინ დაეღუპა – ბავშვი მეცხრე სართულიდან გადავარდა.
ნიკოლოზ წულუკიძის ოჯახს დატრიალებული ტრაგედიის გამო ასევე მიუსამძიმრა დედაქალაქის მერმა კახა კალაძემ.
„ჩვენი უახლოესი, ყველასთვის ნაცნობი, საყვარელი ადამიანის, ნიკოლოზ წულუკიძის ოჯახში ძალიან დიდი ტრაგედია დატრიალდა. მინდა მივუსამძიმრო ოჯახს, ახლობლებს, ნათესავებს, სრულიად საქართველოს. არ ვიცი, რა სიტყვები გამოვძებნო. მინდა ნიკას გამძლეობა ვუსურვო და ოჯახს მივუსამძიმრო“, – განაცხადა კახა კალაძემ.
ნიკოლოზ წულუკიძე რამდენიმე წლის წინ დაოჯახდა. მას და მის მეუღლეს 6 წლის სესილი დარჩათ.
ნიკოლოზ წულუკიძის შვილი უბედურ შემთხვევას ემსხვერპლა>>
საზოგადო მოღვაწეები, პოლიტიკოსები, მსახიობები და ხელოვნების სხვადასხვა სფეროს წარმომადგენლები წულუკიძესა და მის ოჯახს თანაგრძნობას სოციალურ ქსელში უცხადებენ. ბევრმა მათგანმა გვერდიდან მთავარი ფოტო მოხსნა და შავი კვადრატი და ლენტი ჩასვა.
ნიკოლოზ წულუკიძე ტელეკომპანია „იმედის" წამყვანი, თეატრისა და კინოს სახელმწიფო უნივერსიტეტის ლექტორი და საზოგადოებასთან ურთიერთობების განყოფილების ხელმძღვანელია, არის საქართველოს თეატრალური კრიტიკოსების კავშირის პრეზიდენტი.
ყველა ახალი ამბავი
0