როგორ ეწინააღმდეგება თბილისის მერია ქაოსურ განაშენიანებას ლისის ტბის მიმდებარე მიწებზე

© photo: Sputnikდათბობა შემოდგომაზე - ხალხი ლისის ტბასთან პარკში
დათბობა შემოდგომაზე - ხალხი ლისის ტბასთან პარკში - Sputnik საქართველო, 1920, 04.05.2022
გამოწერა
Yandex newsTelegram
კერძო მფლობელების მიერ ტერიტორიის ქაოსური განაშენიანება გარემოსთვის საფრთხეს შეიცავს.
თბილისი, 4 მაისი – Sputnik. ლისის ტბის მიმდებარე კერძო ტერიტორიების განაშენიანება ნაკვეთების მფლობელების მიერ მხოლოდ დედაქალაქის მიწათსარგებლობის გენერალური გეგმის მიხედვით დაიშვება, განაცხადა თბილისის მერმა კახა კალაძემ.
ლისის ტბა თბილისში დასვენების ერთ-ერთი ყველაზე პოპულარული ადგილია, ხოლო ბოლო დროს ის პოპულარული ხდება აგრეთვე როგორც საცხოვრებელი ადგილი. მაგრამ კერძო მფლობელების მიერ ტერიტორიის ქაოსური განაშენიანება ტბის მიმდებარე ტერიტორიის ეკოსისტემისთვის საფრთხის შემცველი გახდა.

„ლისის ტბის მიმდებარე ტერიტორიის ეკოსისტემის დაცვისა და ჯანსაღი საცხოვრებელი გარემოს ჩამოყალიბების მიზნით თბილისის მერიის დაკვეთით ჩატარებული კვლევების შედეგად მიღებული რეკომენდაციები დედაქალაქის მიწათსარგებლობის გენერალურ გეგმაში აისახება“, – განაცხადა კალაძემ თბილისის მთავრობის სხდომაზე.

ამასთან მან აღნიშნა, რომ საუბარია კერძო ტერიტორიებზე, სადაც მშენებლობა დროებით აკრძალული იყო.
„დღეს უკვე ამ კვლევებიდან მიღებული ანალიზით არის შესაძლებელი, განვახორციელოთ არსებული სივრცეების სხვადასხვა სახის განაშენიანება – ოღონდ ყველა იმ რეკომენდაციის მიხედვით, რომელიც ამ კვლევაში არის მოცემული. განაშენიანების რეგულირების გეგმის გარეშე ვერცერთი მშენებლობა ვერ განხორციელდება“, – განაცხადა კალაძემ.
ტერიტორიის განაშენიანების დასაწყებად მერიის მიერ წარმოდგენილი გეგმა თბილისის საკრებულომ უნდა დაამტკიცოს.
წყარო - თბილისის მერიის პრეს-სამსახური
ყველა ახალი ამბავი
0