„დუბაიში გოგონები ჩამოდიან, რომ...“ - რა არ მოსწონს ნუცა ბუზალაძეს
12:28 04.05.2022 (განახლებულია: 15:54 04.05.2022)
© courtesy of Nutsa Buzaladze
გამოწერა
ნუცა ბუზალაძე დუბაიში ცხოვრებაზე საუბრობს.
მომღერალმა ნუცა ბუზალაძემ დუბაის თეატრთან ორწლიანი კონტრაქტი გააფორმა და დუბაიში გადავიდა საცხოვრებლად. ამჟამად ნუცა თბილისშია და „იმედის დღესთან“ საუბრობს თავისი წარმატების და პირად ცხოვრებაში საინტერესო სიახლეების შესახებ.
კითხვაზე, რა ხდება მის პირად ცხოვრებაში, ნუცა აღნიშნავს, რომ „ახლა აქვს გაპრანჭვის პერიოდი“. თუმცა მომღერალი დასძენს, რომ ეს ყველაფერი არ ხდება დუბაიში.
„არ მომწონს სიტუაცია, რაც დუბაიშია. გოგონები ჩამოდიან… ყველა ჩამოდის იმისთვის, რომ ვიღაც გაიცნოს. მე მიყვარს, როცა მამაკაცები პატივს სცემენ ქალს. ძველებური მენტალიტეტი მაქვს. გოგონა რომ აქტიურია, ეს არ მომწონს. დუბაიში კი ძირითადად ასე ხდება. მაქსიმალურად ვცდილობ, რომ ზედმეტად არ გავიპრანჭო. ვიცი რა არის ჩემი მიზანი და რა არის ჩემი საქმე, უნდა ვიმღერო და ამით შემოვიფარგლები. არ მაქვს იმის დრო, რომ იქ შეყვარებული მყავდეს. მართლა“, – ამბობს მომღერალი.
