რა საოცრებებს ახდენს სოდა

სოდა - Sputnik საქართველო, 1920, 03.05.2022
გამოწერა
Yandex newsTelegram
ბევრს გსმენიათ ალბათ სოდის უნივერსალურობის შესახებ. მას ადამიანები ყველაფრისთვის იყენებენ – კოსმეტიკური საშუალებიდან დაწყებული, ჯანმრთელობის საერთო მდგომარეობის გაუმჯობესებით დამთავრებული.
სოდა წმენდს და ათეთრებს ტანსაცმელს, იწოვს სუნს, წმენდს სხვადასხვა ზედაპირს. მაგრამ ცოტას თუ სმენია, კიდევ რა საოცრებების მოხდენა შეუძლია სოდას…
ათეთრებს კბილებს
სოდისა და წყალბადის ზეჟანგის ნაერთი ეფექტურად ათეთრებს კბილებს, მაგრამ არ გამოიყენოთ ეს საშუალება ხშირად, რადგან მან შეიძლება დააზიანოს კბილების მინანქარი — საკმარისია კვირაში ერთხელ.
აქრობს გამონაყარს
საჭმლის სოდა ფერიმჭამელებისა და მუწუკების წინააღმდეგ ბუნებრივი საშუალებაა. უბრალოდ, შეურიეთ ის წყალს, მოამზადეთ პასტა, დაიდეთ დაზიანებულ კანზე, დააცადეთ შეშრობა და შემდეგ თბილი წყლით ჩამოიბანეთ.
როგორ გამოიყურება ჯანმრთელი თმა - Sputnik საქართველო, 1920, 18.09.2017
თმის მოვლისა და თმის ცვენის საწინააღმდეგო სამკურნალო შინაური საშუალებები
არბილებს კანს
სოდა თქვენს კანს რბილსა და სასიამოვნოს გახდის. შეურიეთ ის საპონსა და წყალს და დაიდეთ ხელებზე, შემდეგ, როცა გაშრება, დაიბანეთ თბილი წყლით. ეს საშუალება ატენიანებს კანს და აქრობს უსიამოვნო სუნს.
აქრობს სხეულის უსიამოვნო სუნს
აავსეთ აბაზანა წყლით და დაუმატეთ ერთი ჭიქა სოდა. მიიღეთ აბაზანა კვირაში ორჯერ. ეს გააქრობს ბაქტერიებს კანიდან და სხეულს უსიამოვნო სუნს მოაშორებს.
აქრობს პირის ღრუს უსიამოვნო სუნს
პირიდან ცუდი სუნის დროს სცადეთ სოდა. ერთ ჩაის ჭიქა წყალში ჩაყარეთ ერთი ჩაის კოვზი სოდა და კარგად აურიეთ, შემდეგ გამოივლეთ პირის ღრუში. სოდიანი წყალი გააქრობს ბაქტერიებს და, შესაბამისად — უსიამოვნო სუნს.
წმენდს ფრჩხილებს
შეურიეთ ერთმანეთს სოდა და წყალი შეფარდებით 3:1, შემდეგ წაისვით ფრჩხილებზე. ეს მშვენივრად გაწმენდს თქვენს ფრჩხილებს.
გლიცერინი და ვიტამინი Е - ახალგაზრდობისა და სილამაზის გარანტი - Sputnik საქართველო, 1920, 21.10.2016
გლიცერინი და ვიტამინი Е - ახალგაზრდობისა და სილამაზის გარანტი
ასუფთავებს თმასა და თავის კანს
შამპუნები და კონდიციონერები არასდროს მუშაობს ისე, როგორ რეკლამასაც უწევენ. მათ თმისა და თავის კანის სერიოზული დაზიანება შეუძლიათ. სოდა კი მშვენიერი საშუალებაა, რომ ყოველგვარი რისკის გარეშე გაისუფთავოთ თმა და თავის კანი, გააუმჯობესოთ თმის ხარისხი. ოღონდ გაითვალისწინეთ — ამისთვის სოდა გამოიყენეთ თვეში ერთხელ.
აქრობს მოჭარბებულ ოფლს
სოდა შესანიშნავი ბუნებრივი დეზოდორანტია. შეურიეთ ის თქვენს საყვარელ ეთერზეთს და წაისვით იღლიებში. ის გააქრობს ბაქტერიებსა და ოფლის სუნს რამდენიმე საათის განმავლობაში.
ყველა ახალი ამბავი
0