სამცხე-ჯავახეთში პირუტყვს ყირიმ-კონგოს საწინააღმდეგოდ ამუშავებენ

© photo: Sputnik / Nikolai Khizhniak / გადასვლა მედიაბანკშითხები
თხები - Sputnik საქართველო, 1920, 03.05.2022
გამოწერა
სურსათის ეროვნული სააგენტო ყირიმ-კონგოს ვირუსის გავრცელების წინააღმდეგ შესაბამისი ღონისძიებების გატარებას აგრძელებს.
თბილისი, 3 მაისი – Sputnik. სამცხე-ჯავახეთის რეგიონში ყირიმ-კონგოს საწინააღმდეგოდ პირუტყვის დამუშავება დაიწყო, ნათქვამია სურსათის ეროვნული სააგენტოს განცხადებაში.
რეგიონის ვეტერინარებმა ახალციხის, ადიგენის, ახალქალაქისა და ასპინძის მუნიციპალიტეტების სოფლებში 3.290 სული პირუტყვი უკვე დაამუშავეს.
ყირიმ-კონგოს ჰემორაგიული ცხელება (CCHF) - განსაკუთრებით საშიში ბუნებრივ-კეროვანი მწვავე ინფექციაა, რომელსაც ახასიათებს ცხელება, ინტოქსიკაცია და სისხლის ჩაქცევები კანსა და შინაგან ორგანოებში.
სააგენტოს სპეციალისტები მოსახლეობას მოუწოდებენ, გაზაფხულიდან ადრეულ შემოდგომამდე ცხოველები, ინსტრუქციის წესების გათვალისწინებით, ინსექტოაკაროციდული პრეპარატით დაამუშაონ, ცხოველებს ტკიპები ხელთათმანისა და პინცეტის გამოყენებით მოაშორონ. მინდორში მუშაობისას პროფილაქტიკის მიზნით ატარონ დახურული ტანსაცმელი და ფეხსაცმელი, ხოლო დაავადების ნიშნების გამოვლენის შემთხვევაში დაუყონებლივ მიმართონ ექიმს.
თბილისის ინფექციურ საავადმყოფოში ამჟამად ყირიმ-კონგოს ცხელების დიაგნოზით სამი პაციენტია მოთავსებული.
ყირიმ-კონგოს დაავადება პირველად 1944 წელს ყირიმში გამოვლინდა. იგი ცხოველისა და ადამიანის ვირუსული დაავადებაა. მისი გამომწვევი ვირუსი Bunyaviridae-ს ოჯახს, Nairovirus-ის გვარს მიეკუთვნება. დაავადების გადამტანები არიან ტკიპები, რომლებიც მთელი სიცოცხლე ვირუსმტარებლები რჩებიან და ვირუსს შთამომავლობას გადასცემენ.
ყველა ახალი ამბავი
0