მედვედევი: ზელენსკის სამშვიდობო ხელშეკრულება არ სჭირდება

© photo: Sputnik / Alexander Astafyev / ფოტობანკში გადასვლა
  - Sputnik საქართველო, 1920, 03.05.2022
გამოწერა
Yandex newsTelegram
თბილისი, 3 მაისი — Sputnik. უკრაინის პრეზიდენტ ზელენსკის სამშვიდობო ხელშეკრულება არ სჭირდება, რადგან ეს მისი მმართველობის დასრულებას ნიშნავს, წერს უშიშროების საბჭოს თავმჯდომარის მოადგილე დმიტრი მედვედევი Telegram-არხზე.

„ზელენსკის არავითარი სამშვიდობო ხელშეკრულება არ სჭირდება. მისთვის მშვიდობა — ეს დასასრულია. ან სწრაფი — ნაცისტებისგან, რომლებიც მას „გილიაკუზე“ ჩამოკიდებენ მოსკალებთან შეთქმულების გამო, ან უფრო ნელი — კონკურენტებისგან, რომლებიც მიაღწევენ ომში დამარცხებული პრეზიდენტის თანამდებობიდან გადაყენებას“, — დაწერა მედვედევმა.

მედვედევის თქმით, ამას ადასტურებს ზელენსკის გარემოცვაც, „რომლებიც ყვირიან, რომ სამშვიდობო ხელშეკრულება არ იქნება“.
უშიშროების საბჭოს თავმჯდომარის მოადგილე ვარაუდობს, რომ უკრაინის ლიდერი კვლავაც განაგრძობს დასავლეთისგან ფულისა და იარაღის მოთხოვნას, ასევე ხალხზე ზრუნვის იმიტაციას.
მანამდე დმიტრი მედვედევმა განაცხადა, რომ სანქციები, რომლებიც დასავლეთმა რუსეთს დაუწესა უკრაინაში „სამხედრო სპეცოპერაციის“ დაწყების შემდეგ, ძალიან ჩამოჰგავს ინკვიზიციის მეთოდებს. მისი თქმით, დასავლეთის ქვეყნებმა „თვითონ მოიგონეს ბრალდება, თვითონ აწამეს, თავად გამოიტანეს სასჯელი, თავად დაწვეს ერეტიკოსი“. მედვედევს მიაჩნია, რომ არამეგობრული ქვეყნების ყველა ბრალდება აგებულია მხოლოდ იმაზე, რომ რუსეთი ცუდი სახელმწიფოა, და არანაირი მტკიცებულება საჭირო არ არის.
ყველა ახალი ამბავი
0