კობა გვენეტაძე: საქართველო მკაცრად დაიცავს სანქციებს

© Administration of the President of Georgia / FBკობა გვენეტაძე
კობა გვენეტაძე - Sputnik საქართველო, 1920, 03.05.2022
გამოწერა
Yandex newsTelegram
საქართველოს ფინანსური სისტემა მკაცრად დაიცავს სანქციებს, განაცხადა ეროვნული ბანკის ხელმძღვანელმა.
თბილისი, 3 მაისი – Sputnik. საქართველოს ფინანსური სისტემა მკაცრად დაიცავს რუსეთის წინააღმდეგ შემოღებულ სანქციებს, განაცხადა ეროვნული ბანკის პრეზიდენტმა კობა გვენეტაძემ.
როგორც უკრაინის თავდაცვის სამინისტროს დაზვერვის მთავარმა სამმართველომ განაცხადა, სასანქციო შეზღუდვების თავიდან აცილების მიზნით რუსეთი მოლაპარაკებებს აწარმოებს საქართველოსთან, სომხეთთან და აზერბაიჯანთან ამ ქვეყნების პროდუქციის სახით საერთაშორისო ბაზრებზე რეექსპორტისთვის. ამ ქვეყნების ტერიტორიაზე უკვე შეიქმნა 200-ზე მეტი კომპანია.

„სექტორს საკმაოდ კარგი ცოდნა და გამოცდილება აქვს იმისა, თუ როგორ უნდა დაიცვას ეს სანქციები. ეს სანქციები მკაცრად იქნება დაცული საქართველოს ფინანსური სისტემის მიერ“, – განაცხადა გვენეტაძემ ტელეკომპანია „იმედის" ეთერში.

ეროვნული ბანკის ხელმძღვანელის თქმით, საქართველოს ფინანსური სექტორი სანქციებს უკვე 26 თებერვალს მარეგულირებლის მითითებით დაუყოვნებლივ შეუერთდა.
მას შემდეგ, რაც რუსეთმა უკრაინაში ჯარი შეიყვანა, საქართველოს ხელისუფლება უკრაინის ხელისუფლების მხრიდან არაერთხელ გახდა კრიტიკის ობიექტი. უპირველეს ყოფლისა, ამის საფუძველი გახდა საქართველოს უარი, შეერთებოდა სანქციებს რუსეთის წინააღმდეგ.
მოსკოვის მიერ უკრაინაში ჯარი შეყვანის შემდეგ (24 თებერვალს) დასავლეთის ქვეყნებმა რუსეთის მიმართ ეკონომიკური სანქციები გაამკაცრეს.
ყველა ახალი ამბავი
0