ჩეხური კომპანია საქართველოს საჰაერო მეთვალყურეობის ხარისხის გაუმჯობესებაში დაეხმარება

© press-service of Georgian Air Navigationსაჰაერო ნავიგაციის სისტემა თბილისის აეროპორტში
საჰაერო ნავიგაციის სისტემა თბილისის აეროპორტში - Sputnik საქართველო, 1920, 03.05.2022
გამოწერა
Yandex newsTelegram
ჩეხური კომპანია თბილისის საერთაშორისო აეროპორტში პროგრამული უზრუნველყოფის ახალ კონფიგურაციას შექმნის.
თბილისი, 3 მაისი — Sputnik. შპს „საქაერონავიგაციამ“ და ჩეხურმა კომპანიამ ALES s.r.o. ხელი მოაწერეს ხელშეკრულებას, რომელიც ითვალისწინებს თბილისის, ბათუმისა და ქუთაისის აეროპორტებში არსებული, „საქაერონავიგაციის“ კუთვნილი სარეზერვო სისტემა LETVIS ATC-ს მოდერნიზებასა და გადაწყობას, იუწყება ეკონომიკისა და მდგრადი განვითარების სამინისტროს პრეს-სამსახური.
ხელშეკრულების მიხედვით, ჩეხური კომპანია თბილისის საერთაშორისო აეროპორტში პროგრამული უზრუნველყოფის ახალ კონფიგურაციას შექმნის. ხელშეკრულებას ხელი მოაწერეს შპს „საქაერონავიგაციის“ გენერალურმა დირექტორმა გოჩა მეზვრიშვილმა და კომპანიის ALES s.r.o კომერციულმა დირექტორმა მიროსლავ ანდრმა.

გოჩა მეზვრიშვილის ინფორმაციით, აღნიშნული სისტემების განახლებისა და კონფიგურაციის შეცვლის საჭიროება განაპირობა საჰაერო სივრცის სტრუქტურულმა და პროცედურულმა ცვლილებებმა.

კერძოდ, განხორციელდა საკვანძო სამეთვალყურეო რაიონის ჰორიზონტალური და ვერტიკალური საზღვრების, საჰაერო ხომალდის სიმაღლის საზომის დასაყენებლად დადგენილი გადასვლის აბსოლუტური სიმაღლის და გადასვლის ეშელონის ცვლილება.
ასევე დადგინდა საჰაერო ხომალდის და ვექტორის მინიმალური სიმაღლეები და ჩამოყალიბდა სამეთვალყურეო ზონის ახალი ჰორიზონტალური საზღვრები.
უწყების ინფორმაციით, პროგრამული კონფიგურაციის საფუძველზე მიღებული მონაცემები საჭიროა საჰაერო მეთვალყურეობის სამსახურის მეთვალყურეებისთვის, რათა მათ მიერ მოხდეს საჰაერო სივრცის სრული სურათის აღქმა და, შესაბამისად, ფრენების უსაფრთხოების უზრუნველყოფა.
ხელშეკრულების მიხედვით, ჩეხური კომპანია სისტემების განახლებისა და კონფიგურაციის შეცვლის სერვისს განახორციელებს ISO 9001:2015 ხარისხის მართვის სისტემების პროცედურების შესაბამისად და ის სრულ თანხვედრაში იქნება ICAO/EUROCONTROL-ის რეკომენდაციებთან.
ყველა ახალი ამბავი
0