მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

უნგრეთი ანტირუსულ ენერგეტიკულ სანქციებზე ვეტოს დადებით იმუქრება

  - Sputnik საქართველო, 1920, 02.05.2022
გამოწერა
Yandex newsTelegram
თბილისი, 2 მაისი — Sputnik. უნგრეთი ვეტოს დაადებს ევროპის ნებისმიერ ინიციატივას, რომელიც რუსეთიდან ენერგორესურსების იმპორტის შეზღუდვას გამოიწვევს, განაცხადა ქვეყნის პრემიერ-მინისტრის ადმინისტრაციის ხელმძღვანელმა გერგელი გულიაშმა.

„ჩვენ ნათლად განვაცხადეთ, რომ არასდროს დავუჭერთ მხარს ევროკავშირის სანქციებს რუსეთის წინააღმდეგ ენერგეტიკის სფეროში“, — აღნიშნა მან.

მანამდე სააგენტო Bloomberg-მა გაავრცელა ინფორმაცია, რომ ევროკავშირი წლის ბოლოსთვის აპირებს რუსული ნავთობის აკრძალვას უკრაინაში მიმდინარე მოვლენების გამო, მანამდე კი ეტაპობრივად შეზღუდავს იმპორტს.
უნგრეთი, რომელიც ძალიან არის დამოკიდებული რუსულ ენერგომატარებლებზე, სანქციების გაფართოებას იმთავითვე აქტიურად ეწინააღმდეგებოდა.
„გამომდინარე იქიდან, რომ ასეთი გადაწყვეტილებების მიღებას ყველას თანხმობა ესაჭიროება, ევროკომისიისთვის აზრი არ აქვს შემოგვთავაზოს სანქციები, რომლებიც უნგრეთს ბუნებრივი აირისა და ნედლი ნავთობის შესყიდვებს შეუზღუდავდა“, — განაცხადა გულიაშმა.
აღსანიშნავია, რომ ვიქტორ ორბანის მთავრობა თანახმაა, რუბლებში გადაიხადოს რუსული გაზის საფასური, რაც მარტის ბოლოს მოითხოვა რუსეთის პრეზიდენტმა ვლადიმირ პუტინმა. მაშინ ევროკავშირის ხელმძღვანელობამ განაცხადა, რომ არ შეასრულებს ამ მოთხოვნას.
რუსულმა სახელმწიფო კორპორაცია „გაზპრომმა“ უკვე შეუწყვიტა გაზის მიწოდება პოლონეთსა და ბულგარეთს რუბლში ანგარიშსწორებაზე უარის გამო. ამასთან აღინიშნება, რომ „გაზპრომის“ ექსპორტი „შორეულ საზღვარგარეთში“ 26,9%-ით დაეცა და ამ დროისათვის 50,1 მლრდ კუბურ მეტრს შეადგენს.
ყველა ახალი ამბავი
0